Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > પૅરાગ્લાઇડિંગ વખતે હવામાં રહીને માણ્યો સ્નૅક્સનો આનંદ

પૅરાગ્લાઇડિંગ વખતે હવામાં રહીને માણ્યો સ્નૅક્સનો આનંદ

28 September, 2023 09:10 AM IST | Michigan
Gujarati Mid-day Correspondent | feedbackgmd@mid-day.com

તે તેના નાસ્તામાં કેળું કાપીને એના ટુકડા ઉમેરવાનું પણ મૅનેજ કરે છે

૧૨ સપ્ટેમ્બરે ઇન્સ્ટાગ્રામ પર અપલોડ કરવામાં આવ્યો ત્યારથી આ વિડિયોને ૩.૨૦ કરોડથી વધુ વ્યૂઝ મળ્યા છે

Offbeat

૧૨ સપ્ટેમ્બરે ઇન્સ્ટાગ્રામ પર અપલોડ કરવામાં આવ્યો ત્યારથી આ વિડિયોને ૩.૨૦ કરોડથી વધુ વ્યૂઝ મળ્યા છે


પૅરાગ્લાઇડિંગને રોમાંચક સ્પોર્ટ ગણવામાં આવે છે, જે ઘણી વાર આકર્ષક હવાઈ દૃશ્યોથી લોકોને આશ્ચર્યચકિત કરી દે છે. જોકે સ્કાય-ડાઇવર અને ઍડ્વેન્ચર સ્પોર્ટ‍્સના ઉત્સાહી ઓસ્માર ઓચોઆએ તાજેતરના વિડિયોમાં આ રિસ્કી સ્પોર્ટ‍્સમાં કંઈક અલગ જ અખતરો કર્યો છે. વિડિયોમાં ઓસ્માર ઓચોઆ જમીનથી સેંકડો ફુટ ઊંચે ઊડતી વખતે નાસ્તાનો બાઉલ તૈયાર કરતો જોવા મળે છે. તે પોતાને આટલી રિસ્કી પરિસ્થિતિમાં પણ સહજ રીતે વર્તે એ ધ્યાન માગી લે છે. તે તેની બૅગમાંથી એક બાઉલ, ઓટ્સનું પૅકેટ અને દૂધની બૉટલ કાઢે છે. તે તેના નાસ્તામાં કેળું કાપીને એના ટુકડા ઉમેરવાનું પણ મૅનેજ કરે છે. જોકે એ દરમ્યાન એક ટુકડો નીચે પડી જાય છે. ખરેખર ઓચોઆ જમીન પર સુરક્ષિત રીતે પાછો ઊતરતાં પહેલાં તેના મિડ-ફ્લાઇટ બ્રેકફાસ્ટનો સ્વાદ માણે છે. ૧૨ સપ્ટેમ્બરે ઇન્સ્ટાગ્રામ પર અપલોડ કરવામાં આવ્યો ત્યારથી આ વિડિયોને ૩.૨૦ કરોડથી વધુ વ્યૂઝ મળ્યા છે. કમેન્ટ્સ વિભાગ પણ રમૂજી ટિપ્પણીઓથી ભરેલો છે. કોઈ સાહસિક દ્વારા હવામાં નાસ્તાનો આનંદ માણવાનો આ પહેલો કિસ્સો નથી. ગયા વર્ષે પણ મેકેના નાઇપ નામની વ્યક્તિએ સ્કાય-ડાઇવિંગ કરતી વખતે પીત્ઝાનો આનંદ માણતો એક વિડિયો શૅર કર્યો હતો. આ સ્ટન્ટ જૅક્સન મિશિગન યુએસએમાં એક સ્થાનિક રેસ્ટોરાં નેપોલિયન કૅફે માટે જાહેરાતનો એક ભાગ હતો. 


Whatsapp-channel Whatsapp-channel

28 September, 2023 09:10 AM IST | Michigan | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK