અત્યારે વિજ્ઞાનની દુનિયામાં એક નવા સુપરફૂડ તરીકે કૉક્રૉચ મિલ્કની ચર્ચા છે. આ કૉક્રૉચ મિલ્ક ગાય કે ભેંસના દૂધથી ત્રણગણું વધુ પૌષ્ટિક અને પોષણથી ભરપૂર હોવાનું કહેવાય છે.
કૉક્રૉચ મિલ્ક
અત્યારે વિજ્ઞાનની દુનિયામાં એક નવા સુપરફૂડ તરીકે કૉક્રૉચ મિલ્કની ચર્ચા છે. આ કૉક્રૉચ મિલ્ક ગાય કે ભેંસના દૂધથી ત્રણગણું વધુ પૌષ્ટિક અને પોષણથી ભરપૂર હોવાનું કહેવાય છે. કૉક્રૉચ મિલ્કમાં પ્રોટીન, કૅલ્શિયમ, આયર્ન, અમીનો ઍસિડ, લિપિડ, ઝિન્ક જેવાં પોષક તત્ત્વો છે અને એ લેક્ટોઝ-ફ્રી છે. કૉક્રૉચ દૂધ પીવાથી અનેક ફાયદા થાય છે. એ શરીરના કોષોની વૃદ્ધિ કરે છે, એનર્જી આપે છે. પૅસિફિક બીટલ કૉક્રૉચ નામે ઓળખાતી વાંદાની પ્રજાતિ ઈંડાં નથી મૂકતી, પણ બચ્ચાંને જન્મ આપે છે અને એને દૂધ પીવડાવે છે. એ દૂધના પોષણથી બચ્ચાં એકદમ સ્વસ્થ અને જુવાન રહે છે. કૉક્રૉચ મિલ્ક ફાયદાકારક છે, પણ એ મેળવવાની પ્રક્રિયા ઘણી ક્રૂર અને જટિલ છે. માદા કૉક્રૉચ બચ્ચાને જન્મ આપે છે અને પોષણ માટે પોતાના પેટમાં રહેલી કોથળીમાંથી એક આછો પીળો તરલ પદાર્થ ખવડાવે છે એ હોય છે કૉક્રૉચ મિલ્ક. વૈજ્ઞાનિકો દ્વારા માતાના પેટને વચ્ચેથી કાપીને એમાંની કોથળીમાંથી આ દૂધ બહાર કાઢવામાં આવે છે. ૧૦૦૦ માદા કૉક્રૉચના પેટમાંથી ૧૦૦ ગ્રામ દૂધ મળે છે. અમેરિકા અને આફ્રિકામાં કૉક્રૉચના દૂધનો આઇસક્રીમ વેચાય છે જેની ડિમાન્ડ વધી રહી છે.
