વરસાદના દિવસોમાં તેને ૭ દિવસની સૅલૅરી ઘેરબેઠાં મળશે
તસવીર સૌજન્યઃ સોશ્યલ મીડિયા
ચીનના ચાંગ્શા શહેરમાં એક મહિલાને લૉટરી લાગી. જોકે આ લૉટરી થોડીક જુદી ટાઇપની હતી. લૉટરીમાં મહિલાને ૭ દિવસની પેઇડ રેઇન લીવ મળી હતી. મતલબ કે વરસાદના દિવસોમાં તેને ૭ દિવસની સૅલૅરી ઘેરબેઠાં મળશે. આ બહેન માલા વાંગજી નામની સ્નૅક્સ કંપનીમાં કામ કરે છે. આ કંપનીએ કર્મચારીઓ માટે રેઇન લીવ લૉટરી કાઢી છે. એમાં સૌથી મોટું ઇનામ ૭ દિવસની પેઇડ રેઇન લીવ હતી. એમાં વરસાદના દિવસોમાં ક્યારેય પણ ૭ દિવસ તે છુટ્ટી લઈ શકે છે. ચાંગ્શા શહેર અને એની આસપાસના વિસ્તારોમાં લાંબો સમય વરસાદ પડે છે. અહીં ભારે વરસાદના દિવસોમાં ટ્રાવેલિંગ મુશ્કેલ બની જાય છે. એને કારણે આ કંપનીએ કર્મચારીઓને રાહત મળે એ માટે લૉટરી શરૂ કરી છે જેમાં તેમને વરસાદને કારણે પેઇડ રજા મળે છે. એ લૉટરીમાં ૭ દિવસની રજા ઉપરાંત રેઇનબૂટ્સ, છત્રી, હેરડ્રાયર, ડીહ્યુમિડફાયર અને ઑટોમેટિક ડ્રાય, કમ્યુટિંગ સબસિડી જેવાં ઇનામો પણ હતાં. કંપનીના લગભગ ૧૦૦થી વધુ કર્મચારીઓને કોઈક ને કોઈક ઇનામ મળ્યું હતું.
