તાપમાનમાં સતત વધારાને કારણે ભમરાઓની વિવિધ પ્રજાતિમાં મૃત્યુદરમાં વધારો થયો છે
અજબગજબ
ભમરો
તમે છેલ્લે ક્યારે ભમરો જોયો હતો? આનો જવાબ ‘ફ્રન્ટિયર્સ ઇન બી સાયન્સ’ નામના ભમરાઓ વિશેના ખાસ સાયન્સ જર્નલના લેટેસ્ટ અંકમાં આપવામાં આવ્યો છે. આ જર્નલનું કહેવું છે કે ગ્લોબલ વૉર્મિંગને કારણે દુનિયાભરમાં ભમરાઓની વસ્તીમાં મોટો ઘટાડો થયો છે. તાપમાનમાં સતત વધારાને કારણે ભમરાઓની વિવિધ પ્રજાતિમાં મૃત્યુદરમાં વધારો થયો છે. ભમરાની મોટા ભાગની પ્રજાતિ ૨૮થી ૩૨ ડિગ્રી સુધીનું તાપમાન હોય એવી જગ્યાએ પોતાના દર બનાવે છે. વધારે પડતી ગરમી હોય તો ભમરાનાં બચ્ચાં જીવતાં રહી શકતાં નથી. એટલે જ તેમની વસ્તી સતત ઘટી રહી છે. ઘણી વાર ભમરા પાંખ ફફડાવીને તાપમાન નૉર્મલ રાખવાનો પ્રયાસ કરતા હોય છે, પણ ૩૬ ડિગ્રીથી વધારે ગરમી એમને માટે અસહ્ય બની જાય છે.