તાજેતરમાં ૭૦ વર્ષનાં એક બહેન અચરજ પામે એટલું વજન ઉપાડી રહ્યાં છે
વાઇરલ વિડીયોમાંથી સ્ક્રીનશૉટ
એજ ઇઝ જસ્ટ અ નંબર. હવે જિમમાં પણ વડીલોનાં કારનામાં જોઈને આવું બોલવું પડે એમ છે. તાજેતરમાં ૭૦ વર્ષનાં એક બહેન અચરજ પામે એટલું વજન ઉપાડી રહ્યાં છે. જિમમાં ટ્રેઇનિંગ દરમ્યાન આ માજી ૧૦૩ કિલો વજન ડેડલિફ્ટ કરી રહ્યાં છે. જે ઉંમરમાં સામાન્ય લોકો માત્ર ચાલવા કે વધુમાં વધુ જૉગિંગ કરવા જેવી એક્સરસાઇઝ કરતા હોય એ ઉંમરે એક બહેન ભારેખમ વજન ઊંચકીને અનેક વડીલો માટે ઉદાહરણરૂપ બન્યાં છે. આ મહિલાનો વિડિયો વેઇટલિફ્ટરમમ્મી નામના સોશ્યલ મીડિયા અકાઉન્ટ પરથી વાઇરલ થયો છે. ૩.૭૫ કરોડ લોકો આ વિડિયો જોઈ ચૂક્યા છે.
