Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > માણસ એટલું જોરથી ખાંસ્યો કે જાંઘનું હાડકું તૂટી ગયું

માણસ એટલું જોરથી ખાંસ્યો કે જાંઘનું હાડકું તૂટી ગયું

04 June, 2024 03:48 PM IST | Beijing
Gujarati Mid-day Correspondent | feedbackgmd@mid-day.com

૩૫ વર્ષના આ યુવાનનાં હાડકાં તેની બેઠાડું જિંદગીને કારણે ૮૦ વર્ષના વૃદ્ધ જેટલાં જીર્ણ થઈ ચૂક્યાં હતાં.

તૂટેલા હાડકાંનો એક્સરે

તૂટેલા હાડકાંનો એક્સરે


ચીનના ફુજિયાન પ્રાન્તની સેકન્ડ પીપલ્સ હૉ​સ્પિટલમાં ડૉક્ટરો પાસે એક અજીબ કેસ આવ્યો છે. ૩૫ વર્ષના એક યુવાનને ઊંચકીને હૉસ્પિટલ લાવવામાં આવેલો, કેમ કે તેની જાંઘના હાડકા જેને મેડિકલ ભાષામાં ફીમર કહેવાય એમાં ફ્રૅક્ચર હતું. ફીમર એ આપણા શરીરનું સૌથી મજબૂત અને જાડું હાડકું કહેવાય છે. જ્યારે ડૉક્ટરોએ દરદીની હિસ્ટરી લીધી તો તેનું કહેવું હતું કે તેણે ખૂબ જોર-જોરથી ખાંસી ખાધી એ વખતે તેની જાંઘના ભાગમાં જોરદાર ચસકો લાગ્યો હોય એવું લાગ્યું અને પછી તે એ પગ પર વજન પણ મૂકી નથી શકતો. તેના પગમાં બહારથી કોઈ જ મૂઢમાર પણ વાગ્યો નથી. જ્યારે ડૉક્ટરોએ આ યુવાનના હાડકાની ઘનતા માપી ત્યારે આશ્ચર્યજનક પરિણામ આવ્યું હતું. ૩૫ વર્ષના આ યુવાનનાં હાડકાં તેની બેઠાડું જિંદગીને કારણે ૮૦ વર્ષના વૃદ્ધ જેટલાં જીર્ણ થઈ ચૂક્યાં હતાં. તેની લાઇફસ્ટાઇલ વિશે પૂછતાછ કરતાં ખબર પડી હતી કે ભાઈસાહેબને જન્ક-ફૂડનો જબરો શોખ હતો અને પાણીની જગ્યાએ સૉફ્ટ-ડ્રિન્ક પીતા હોવાથી હાડકાં ખૂબ જ નબળાં પડી ગયાં હતાં.


Whatsapp-channel Whatsapp-channel

04 June, 2024 03:48 PM IST | Beijing | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK