MyGov પોર્ટલ પર અત્યાર સુધીમાં એક કરોડથી વધુ શાળાના વિદ્યાર્થીઓ, માતાપિતા અને શિક્ષકોએ ‘પરીક્ષા પે ચર્ચા’(PPC) ૨૦૨૪ ની ૭ મી આવૃત્તિ માટે નોંધણી કરાવી છે. નોંધણી પ્રક્રિયા ૧૧ ડિસેમ્બર, ૨૦૨૩ ના રોજ શરૂ થઈ હતી, અને `પરીક્ષા પે ચર્ચા` ૨૦૨૪ માટે અરજી કરવાની છેલ્લી તારીખ ૧૨ જાન્યુઆરી, ૨૦૨૪ છે. પ્રધાનમંત્રી મોદીએ આ ઇન્ટરેક્ટિવ પ્રોગ્રામ - `પરીક્ષા પે ચર્ચા` (PPC) ની કલ્પના કરી હતી - જેમાં વિદ્યાર્થીઓ, વાલીઓ, અને દેશભરના શિક્ષકો અને વિદેશમાંથી પણ પરીક્ષાઓ અને શાળા પછીના જીવનને લગતી ચિંતાઓ અંગે તેમની સાથે વાર્તાલાપ કરે છે. શિક્ષણ મંત્રાલયના શાળા શિક્ષણ અને સાક્ષરતા વિભાગ દ્વારા છેલ્લા છ વર્ષથી આ કાર્યક્રમનું સફળતાપૂર્વક આયોજન કરવામાં આવ્યું હતું. આ વર્ષે, કાર્યક્રમ 29 જાન્યુઆરી, 2024 ના રોજ સવારે ૧૧ વાગ્યાથી ભારત મંડપમ ખાતે ટાઉન-હોલ ફોર્મેટમાં યોજાશે. કાર્યક્રમમાં લગભગ ૪૦૦૦ સહભાગીઓ વડાપ્રધાન સાથે વાર્તાલાપ કરશે. `પરીક્ષા પે ચર્ચા` એ યુવાનો માટે તણાવમુક્ત વાતાવરણ બનાવવા માટે પ્રધાનમંત્રી મોદીની આગેવાની હેઠળના મોટા આંદોલન `એક્ઝામ વોરિયર્સ`નો એક ભાગ છે.
