News Updates: આનંદો! ગણેશ ઉત્સવ માટે 342 સ્પેશિયલ ટ્રેનો દોડાવવામાં આવશે

News Live Updates: ગુરુગ્રામમાં નાણાંકીય મુદ્દાઓ પર માણસને છરીના ઘા મારીને હત્યા

પોલીસે ગુરુવારે જણાવ્યું હતું કે, નાણાંકીય મુદ્દા પર અન્ય વ્યક્તિની હત્યા કરવાના આરોપમાં 23 વર્ષીય યુવકની ધરપકડ કરવામાં આવી હતી. તેઓએ જણાવ્યું કે આ ઘટના 18 ઓગસ્ટના રોજ રાજેન્દ્ર પાર્ક વિસ્તારમાં બની હતી. આરોપી કમલ (23)ની લક્ષ્મણ વિહારમાંથી ધરપકડ કરવામાં આવી હતી. પોલીસે જણાવ્યું હતું કે, તેને સ્થાનિક કોર્ટમાં રજૂ કરવામાં આવ્યો હતો.

News Live Updates: જાણીતા વિદ્વાન એ જી નૂરાનીનું 94 વર્ષની વયે અવસાન

જાણીતા વિદ્વાન, પ્રસિદ્ધ લેખક અને કાયદાકીય વિદ્વાન એ જી નૂરાનીનું ગુરુવારે મુંબઈમાં તેમના નિવાસસ્થાને અવસાન થયું. તેઓ 94 વર્ષના હતા. 16 સપ્ટેમ્બર, 1930ના રોજ મુંબઈમાં અબ્દુલ ગફૂર મજીદ નૂરાનીનો જન્મ થયો હતો. તેમના મૃત્યુ પર જમ્મુ અને કાશ્મીરના ભૂતપૂર્વ મુખ્ય પ્રધાન તેમના કાર્યને યાદ કરીને વ્યાપક શોક વ્યક્ત કર્યો હતો.

News Live Updates: રાયબરેલી અને વાયનાડથી ચૂંટણી લડવા માટે રાહુલ ગાંધીને લાખો રૂપિયાનું ફંડ મળ્યું હતું

કેરળના વાયનાડ અને ઉત્તર પ્રદેશની રાયબરેલી લોકસભા સીટથી જીતેલા રાહુલ ગાંધીને પાર્ટી ફંડમાંથી 1 કરોડ 40 લાખ રૂપિયાની રકમ મળી હતી. કોંગ્રેસે રાહુલ ગાંધીને બંને જગ્યાએથી ચૂંટણી લડવા માટે 70-70 લાખ રૂપિયા આપ્યા હતા. કોંગ્રેસે આ વિગતો ચૂંટણી પંચને સુપરત કરી છે.

News Live Updates: ગણેશ ઉત્સવ માટે 342 સ્પેશિયલ ટ્રેનો દોડાવવામાં આવશે

કેન્દ્રીય રેલ્વે મંત્રી અશ્વિની વૈષ્ણવે ગુરુવારે જણાવ્યું હતું કે આગામી મહિનાના ગણેશ ઉત્સવ માટે 342 વિશેષ ટ્રેનો ચલાવવામાં આવશે. 7 સપ્ટેમ્બરથી શરૂ થનારા દસ દિવસીય ઉત્સવ દરમિયાન દર વર્ષે લાખો લોકો મુંબઈથી કોંકણમાં તેમના વતન જાય છે.