સાંજે ૬.૪૭ વાગ્યે ચંદ્રગ્રહણ પૂરું થતાં ૭ વાગ્યા પછી મંદિરનાં કપાટ ફરીથી દર્શન માટે ખૂલ્યાં હતાં
કલકત્તામાં ગઈ કાલે જોવા મળેલો બ્લડ મૂન.
ગઈ કાલે ૨૦૨૬નું પહેલું ચંદ્રગ્રહણ હતું જે બપોરે ૩.૨૧ વાગ્યાથી શરૂ થયું હતું અને સાંજે ૬.૪૭ સુધી ચાલ્યું હતું. ભારતનાં પૂર્વીય રાજ્યોમાં ચંદ્રગ્રહણ સૌથી પહેલાં અને સૌથી લાંબા સમય માટે જોવા મળ્યું હતું. ચંદ્રગ્રહણ શરૂ થાય એના ૭ કલાક પહેલાંથી જ ભારતનાં મુખ્ય મંદિરોમાં સૂતકને પગલે કપાટ બંધ કરી દેવામાં આવ્યાં હતાં. જોકે ઉજ્જૈનના મહાકાલેશ્વર મંદિર જેવાં અપવાદરૂપ મંદિરો દર્શન માટે ખુલ્લાં રહ્યાં હતાં. કલકત્તામાં પૂર્ણ ચંદ્રગ્રહણ જોવા મળ્યું હતું. જ્યારે ચંદ્ર સંપૂર્ણપણે ઢંકાઈ જવાનો હોય ત્યારે એ લાલાશ પડતો દેખાતો હોવાથી આ પૂર્ણ ચંદ્રગ્રહણને રેડ મૂન અથવા તો બ્લડ મૂન કહેવામાં આવે છે. સાંજે ૬.૪૭ વાગ્યે ચંદ્રગ્રહણ પૂરું થતાં ૭ વાગ્યા પછી મંદિરનાં કપાટ ફરીથી દર્શન માટે ખૂલ્યાં હતાં.
