અમૃત ભારત એક્સપ્રેસ ટ્રેનની આજકાલ ખૂબ ચર્ચા છે. હવે કેન્દ્રીય રેલવેપ્રધાન અશ્વિની વૈષ્ણવે અમૃત ભારત ટ્રેનનો અંદરનો વિડિયો શૅર કર્યો છે
રેલવેપ્રધાન અશ્વિની વૈષ્ણવે અમૃત ભારત ટ્રેનનો અંદરની શેર કરેલ તસવીર
નવી દિલ્હી : અમૃત ભારત એક્સપ્રેસ ટ્રેનની આજકાલ ખૂબ ચર્ચા છે. હવે કેન્દ્રીય રેલવેપ્રધાન અશ્વિની વૈષ્ણવે અમૃત ભારત ટ્રેનનો અંદરનો વિડિયો શૅર કર્યો છે, જે જોતાં એ વાતનો અંદાજ લગાવી શકાય છે કે આ ટ્રેન કેટલી સુંદર છે અને એમાં ઘણી આધુનિક સુવિધા છે. તેમણે આ વિડિયો શૅર કરતાં ટ્રેનની વિશેષતા પણ જણાવી છે. તેમણે આ વિડિયો શૅર કરતાં લખ્યું કે ‘અમૃતકાળની અમૃત ભારત ટ્રેન. દરેક સીટ પાસે ચાર્જિંગ પૉઇન્ટ છે તેમ જ પાણીની બૉટલ રાખવા માટેની સુવિધા પણ છે. તેમણે આ ટ્રેનની વિશેષતાની વધારે વાત કરતાં કહ્યું કે આ ટ્રેનની ટૉઇલેટ ડિઝાઇન પણ એકદમ નવા જેવી છે. અમૃત ભારત ટ્રેનનો ટ્રાયલ રન પણ ઘણો સંતોષજનક અને ઉત્સાહ વધારનારો છે.
