ઘરના વડા સભ્યએ ઓટીપી દ્વારા એને માન્યતા આપવી પડે
પ્રતીકાત્મક તસવીર
જો કોઈ વ્યક્તિ આધાર કાર્ડમાં પોતાનું સરનામું અપડેટ કરાવવા માગે તો ઘરના વડા સભ્યની સંમતિથી કરી શકે છે. જોકે આ પ્રક્રિયા શરૂ કરવા માટે તેણે ઘરના સભ્ય સાથેના પોતાના સંબંધ દર્શાવવા માટે રૅશન કાર્ડ, માર્કશીટ, મૅરેજ સર્ટિફિકેટ, પાસપોર્ટ જેવા ડૉક્યુમેન્ટ્સ જેમાં બન્નેનાં નામ અને તેમની વચ્ચેના સંબંધોની સ્પષ્ટતા હોય તો એ બતાવવું પડે. ઘરના વડા સભ્યએ ઓટીપી દ્વારા એને માન્યતા આપવી પડે. જો કોઈક કારણસર બન્ને વચ્ચેના સંબંધો દર્શાવતા ડૉક્યુમેન્ટ ન હોય એવા સંજોગોમાં ઘરના વડાએ યુઆઇડીએઆઇ દ્વારા તૈયાર કરવામાં આવેલા ફૉર્મેટમાં બાંયધરી આપવી પડે. આ પદ્ધતિને કારણે બાળકો, પત્ની તેમ જ પેરન્ટ્સને ઘણી મદદ થઈ શકે, જેમની પાસે આધાર કાર્ડમાં ઍડ્રેસ અપડેટ કરાવવા માટે યોગ્ય કોઈ ડૉક્યુમેન્ટ ઉપલબ્ધ ન હોય.
વિવિધ કારણસર એક શહેરમાંથી બીજા શહેરમાં જતા લોકો માટે આ સુવિધા બહુ મહત્ત્વની છે. આધારમાં ઍડ્રેસ અપડેટ કરવાના વિવિધ વિકલ્પમાં આ એક વધારો છે. ‘માય આધાર’ પોર્ટલ પર જઈને ઍડ્રેસ અપડેટ કરી શકાય છે. કુટુંબના વડાએ માત્ર પોતાનો આધાર નંબર આપવાનો રહેશે. એ માટે ૫૦ રૂપિયા સર્વિસ-ચાર્જ પેટે ચૂકવવાના રહેશે.
