JEE Main Result 2021 : ટૉપ ૧૮માં મહારાષ્ટ્રના અર્થવ તાંબટે મેળવ્યું સ્થાન

જાણો કયા રાજ્યના કેટલા વિદ્યાર્થીઓ આવ્યા ટૉપ ૧૮માં

પ્રતીકાત્મક તસવીર

JEE મુખ્ય એન્જિનિયરિંગ પ્રવેશ પરીક્ષાનું પરિણામ મંગળવારે રાત્રે જાહેર કરવામાં આવ્યું હતું. જેમાં કુલ ૪૪ ઉમેદવારોએ ૧૦૦ ટકા ગુણ મેળવ્યા છે. NTA દ્વારા બહાર પાડવામાં આવેલા નોટિફિકેશન અનુસાર ૧૮ ઉમેદવારોએ ચોથા સત્રની પરીક્ષામાં પ્રથમ સ્થાન મેળવ્યું છે. તેમાંથી ચાર વિદ્યાર્થીઓ આંધ્રપ્રદેશ, ૨-૨ તેલંગણા, ઉત્તર પ્રદેશ અને રાજસ્થાનના છે. જ્યારે મહારાષ્ટ્રમાંથી એક વિદ્યાર્થીએ સ્થાન મેળવ્યું છે.

આ વર્ષથી, સંયુક્ત પ્રવેશ પરીક્ષા મુખ્ય વર્ષમાં ચાર વાર લેવામાં આવે છે. આ વિદ્યાર્થીઓને તેમના ગુણ સુધારવાની તક આપે છે. તેમાંથી પ્રથમ તબક્કો ફેબ્રુઆરીમાં અને બીજો તબક્કો માર્ચમાં યોજાયો હતો. પરીક્ષાનો ત્રીજો તબક્કો એપ્રિલ અને મે મહિનામાં યોજવાનો હતો પરંતુ દેશમાં કોરોનાની બીજી લહેર આવતા તેને મુલતવી રાખવામાં આવ્યો હતો. ત્રીજો તબક્કો ૨૦થી ૨૫ જુલાઈ અને ચોથો તબક્કો ૨૬ ઓગસ્ટથી ૨ સપ્ટેમ્બર દરમિયાન યોજાયો હતો.

ADVERTISEMENT

ટૉપર્સની યાદી:

JEE મેઇનનું ચોથું સત્ર ૨૬. ૨૭ અને ૩૧ ઓગસ્ટ તેમજ ૧ અને ૨ સપ્ટેમ્બરના રોજ યોજાયું હતું. સત્ર સાતમાં કુલ ૭.૩૨ લાખ ઉમેદવારો હાજર રહ્યા હતા. JEEનું મુખ્ય પેપર સાધારણ મુશ્કેલ હતું. તમામ સત્રોમાં ગણિતનું પેપર મુશ્કેલ હતું. તો ભૌતિકશાસ્ત્ર અને રસાયણશાસ્ત્રની સમીક્ષા કરવી સરળ હતી.

JEE મુખ્ય પરિણામો 2021 ની જાહેરાત બાદ હવે JEE એડવાન્સ માટે નોંધણી શરૂ થશે. જે વિદ્યાર્થીઓ જેઇઇ મેઇનમાં ૨,૫૦,૦૦૦ સુધી રેન્ક મેળવ્યો છે તેઓ જેઇઇ એડવાન્સ માટે અરજી કરી શકે છે.