Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ

બ્રેકિંગ સમાચાર

App banner App banner
હોમ > સમાચાર > રાષ્ટ્રીય સમાચાર > આર્ટિકલ્સ > મહુઆ મોઇત્રા દર્શન હિરાનંદાનીની ઊલટ તપાસ કરવા ઇચ્છે છે

મહુઆ મોઇત્રા દર્શન હિરાનંદાનીની ઊલટ તપાસ કરવા ઇચ્છે છે

Published : 28 October, 2023 10:20 AM | IST | New Delhi
Gujarati Mid-day Correspondent | feedbackgmd@mid-day.com

તૃણમૂલ કૉન્ગ્રેસનાં આ સંસદસભ્ય સંસદની એથિક્સ કમિટી સમક્ષ ૩૧મી ઑક્ટોબરે આ મામલે હાજર થવાનાં નથી

ફાઇલ તસવીર

ફાઇલ તસવીર


તૃણમૂલ કૉન્ગ્રેસનાં સંસદસભ્ય મહુઆ મોઇત્રા સંસદમાં કૅશ અને ગિફ્ટ્સને લઈને સવાલો પૂછવાના આરોપોને લઈને વિવાદોમાં છે, પરંતુ તેમનો આક્રમક મિજાજ યથાવત્ છે. તેમણે ગઈ કાલે લોકસભાની એથિક્સ કમિટીને જણાવ્યું હતું કે તેમની વિરુદ્ધ બિઝનેસમૅન દર્શન હિરાનંદાનીની તાજેતરની ઍફિડેવિટમાં અપૂરતી વિગતો છે. એટલું જ નહીં, હિરાનંદાનીએ દાવો કર્યો છે કે તેમણે સંસદમાં સવાલો પૂછવાના બદલામાં મો​ઇત્રાને કૅશ અને ગિફ્ટ્સ આપી છે, પરંતુ મોઇત્રાએ જણાવ્યું હતું કે આ ઍફિડેવિટમાં એ ગિફ્ટ્સનું વિસ્તારપૂર્વકનું લિસ્ટ પણ નથી. મોઇત્રાએ એથિક્સ કમિટીને આ બિઝનેસમૅનને સમન્સ બજાવવા તેમ જ તેમની ઊલટ તપાસ કરવા પોતાના અધિકારનો ઉપયોગ કરવા દેવાની પણ અપીલ કરી હતી.


આ બિઝનેસમૅને પોતાના ઍફિડેવિટમાં જણાવ્યું હતું કે તૃણમૂલ કૉન્ગ્રેસનાં આ લીડરે વડા પ્રધાન નરેન્દ્ર મોદીની છબિ ખરાબ કરવા માટે ગૌતમ અદાણીને ટાર્ગેટ કર્યા હતા. તેમણે એવો પણ દાવો કર્યો હતો કે તેમણે મોઇત્રાને માહિતી આપી હતી કે જેને આધારે તેમણે સંસદમાં અદાણી ગ્રુપ પર શાબ્દિક હુમલા કર્યા હતા.



દરમ્યાન મહુઆએ ગઈ કાલે એમ પણ કહ્યું હતું કે ‘તેઓ સંસદની એથિક્સ કમિટી સમક્ષ ૩૧મી ઑક્ટોબરે આ મામલે હાજર થવાનાં નથી. આ કમિટી તેમની વિરુદ્ધના આરોપોની તપાસ કરી રહી છે.’


હાજર ન થવાનું કારણ આપતાં મોઇત્રાએ કહ્યું હતું કે ‘સાંજે ૭.૨૦ વાગ્યે મને ઑફિશ્યલ લેટર ઈ-મેઇલમાં મોકલવામાં આવ્યો એના પહેલાં એથિક્સ કમિટીના ચૅરમૅને ૩૧મી ઑક્ટોબરે હાજર થવા માટે મને સમન્સ આપવામાં આવ્યું હોવાનું લાઇવ ટીવી પર જાહેર કર્યું હતું. તમામ ફરિયાદો અને સુઓ મોટો ઍફિડેવિટ્સ પણ મીડિયાને આપવામાં આવી હતી.’ આખરે મહુઆએ જણાવ્યું હતું કે તેઓ પાંચમી નવેમ્બર પછી એથિક્સ કમિટી સમક્ષ હાજર થશે. 


Whatsapp-channel Whatsapp-channel

28 October, 2023 10:20 AM IST | New Delhi | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK