° °

આજનું ઇ-પેપર
Saturday, 20 August, 2022


Watch Video: ભાગલાએ વિખૂટા પાડેલા આ બે ભાઇઓ 74 વર્ષ પછી મળ્યા આ બે ભાઇ

13 January, 2022 02:50 PM IST | Mumbai
Gujarati Mid-day Online Correspondent | gmddigital@mid-day.com

1947ના ભારત-પાકિસ્તાનના ભાગલાએ પરિવારો વિખેરી દીધા હતા. કેટલીક પેઢીઓ એ ભૂલી ગઈ હશે કે તેમના સંબંધીઓ બે દેશોની સરહદની આ બાજુ હતા અથવા તે બાજુએ રહે છે.

તસવીરઃ ટ્વિટર

તસવીરઃ ટ્વિટર

1947ના ભારત-પાકિસ્તાનના ભાગલાએ પરિવારો વિખેરી દીધા હતા. કેટલીક પેઢીઓ એ ભૂલી ગઈ હશે કે તેમના સંબંધીઓ બે દેશોની સરહદની આ બાજુ હતા અથવા તે બાજુએ રહે છે. ભારત-પાકિસ્તાન વચ્ચે તૈયાર થયેલો કરતારપુર સાહિબ કોરિડોર આવા જ કેટલાક અલગ થયેલા લોકોની મુલાકાતનો સાક્ષી બન્યો છે. ઈન્ટરનેટ પર એક વીડિયો ગઇકાલથી વાઇરલ થયો છે, જેમાં જોઈ શકાય છે કે બે વૃદ્ધ વ્યક્તિઓ જેમના સંબંધીઓ તેમને કરતારપુર સાહિબ કોરિડોર લઈ ગયા હતા. જ્યારે તેઓ એકબીજાને મળ્યા ત્યારે તેઓ ભાંગી પડ્યા. આંખોમાંથી આંસુ સરી આવ્યા.

આ વીડિયો એ જ વડીલોનો છે. ચાઈનીઝ એપ ટિકટોક પરના આ વીડિયોનું કેપ્શન છે- "ભાઈઓ 1947ના ભાગલાના 74 વર્ષ પછી મળ્યા! પંજાબ માં(પાકિસ્તાન); (હવે મળ્યો છું, રડું આવી રહ્યું છે)." જેમ તમે જોઈ શકો છો, વડીલોને કરતાપુર સાહિબ જોવા માટે લાવવામાં આવ્યા હતા, જ્યાં છૂટા પડેલા ભાઈઓ મળ્યા હતા. 

આ વીડિયો ટ્વિટર પર ઝડપથી વાયરલ થઈ રહ્યો છે. એક યૂઝરે ગગનદીપ સિંહે લખ્યું, "આ જુઓ... ભારત-પાકિસ્તાનના ભાગલા દરમિયાન અલગ થયેલા બે ભાઈઓ કરતારપુર સાહિબ કોરિડોરમાં મળ્યા હતા. જ્યારે તેણે બીજાને જોયા, ત્યારે તેણે ભરેલી આંખોથી ગળે લગાવ્યા.

એવું મનાય છે કે બંન્ને ભાઇઓની ઉંમર 80 વર્ષથી વધુ છે અને આ રિયુનિયન પાછળની કહાણી 74 વર્ષ પહેલાની છે. જ્યારે 1947માં ભારતના ભાગલા પછી એક ભાઈ અહીં જ રહ્યો અને બીજો નવા બનેલા દેશ પાકિસ્તાન આવ્યો. તેનું નામ મોહમ્મદ સિક્કિક અને મોટા ભાઈનું નામ હબીબ જણાવવામાં આવી રહ્યું છે, આ બંને વર્ષો પહેલા દેશના વિભાજન વખતે અલગ થઈ ગયા હતા.

આ વીડિયો જોઈને લોકો ભાવુક થઈ રહ્યા છે. એક યુઝરે લખ્યું કે, પાકિસ્તાનમાં ગુરુદ્વારા દરબાર સાહિબને ભારત સાથે જોડતા કરતારપુર કોરિડોર પર આવા જ લોકોને એકબીજા સાથે મળતા જોઈ શકાય છે. જ્યારે બે એંસી વર્ષના જોડિયા મળે છે ત્યારે તે ખૂબ જ આનંદની વાત છે.

વીડિયો જોઈને એક યુઝરે લખ્યું- "જમીનને લાગણીમાં નહીં, ટુકડાઓમાં વહેંચી શકાય છે, આ શાસકો ક્યાં સમજશે, તેને માટે દિલ જોઈએ." અન્ય એક યુઝરે લખ્યું - "આ વીડિયો ખરેખર અદ્ભુત છે."

13 January, 2022 02:50 PM IST | Mumbai | Gujarati Mid-day Online Correspondent

અન્ય લેખો

રાષ્ટ્રીય સમાચાર

Kerala:કૉંગ્રેસ કાર્યાલયના તોડફોડાના કેસમાં પોલીસે રાહુલ ગાંધીના પીએની કરી ધરપકડ

કૉંગ્રેસના આ આરોપોને પોલીસે ફગાવી દીધા

19 August, 2022 06:17 IST | Thiruvananthapuram | Gujarati Mid-day Online Correspondent
રાષ્ટ્રીય સમાચાર

UP: હમીરપુરમાં છોકરીની છેડતી કરી બદમાશોએ ઢોર માર માર્યો, વિદ્યાર્થીની ગુમ

હમીરપુરના વાયરલ વીડિયોમાં છ બદમાશો યુવતીને કપડાં ઉતારીને બેલ્ટ અને લાકડીઓ વડે મારતા જોવા મળે છે

19 August, 2022 01:40 IST | Hamirpur | Gujarati Mid-day Online Correspondent
રાષ્ટ્રીય સમાચાર

CBI Raid: દિલ્હીના નાયબ મુખ્યપ્રધાન મનીષ સિસોદિયાના ઘરે CBIએ પાડ્યા દરોડા

સીબીઆઈના દરોડાની માહિતી પોતે મનીષ સિસોદિયાએ ટ્વીટ કરીને આપી

19 August, 2022 12:51 IST | New Delhi | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK