નવી ટ્રેનો ઉમેરાતાં AC ટ્રેનની કુલ સર્વિસની સંખ્યા ૧૨૧થી વધીને ૧૩૩ થશે
પ્રતીકાત્મક તસવીર
૧૯ ફેબ્રુઆરીથી વેસ્ટર્ન રેલવેમાં ૧૨ નવી ઍર-કન્ડિશન્ડ (AC) અને ત્રણ નૉન-AC ટ્રેન ઉમેરાશે, જેમાંથી ૧૧ AC સર્વિસ અત્યારે ચાલતી નૉન-ACને બદલે દોડશે. AC લોકલ ટ્રેનોની વધતી જતી લોકપ્રિયતાને ધ્યાનમાં રાખીને આ નિર્ણય લેવામાં આવ્યો છે એમ વેસ્ટર્ન રેલવેના અધિકારીએ જણાવ્યું હતું. નવી ટ્રેનો ઉમેરાતાં AC ટ્રેનની કુલ સર્વિસની સંખ્યા ૧૨૧થી વધીને ૧૩૩ થશે, જ્યારે કુલ સર્વિસની સંખ્યા ૧૪૧૦થી વધીને ૧૪૧૪ થશે. શનિવારે અને રવિવારે AC ટ્રેનની સર્વિસની સંખ્યા ૭૭થી વધીને ૧૦૬ થશે. બીજા ફેરફારમાં મુજબ ભાઈંદર અને બાંદરા વચ્ચે હાલમાં ચાલતી સ્લો ટ્રેન વિરાર સુધી લંબાવવામાં આવશે.
