° °

આજનું ઇ-પેપર
Tuesday, 06 December, 2022


આફતાબનો મોબાઇલ ભાઈંદરની ખાડીમાંથી પોલીસને મળશે ખરો?

25 November, 2022 08:27 AM IST | Mumbai
Gujarati Mid-day Correspondent | feedbackgmd@mid-day.com

દિલ્હી પોલીસે વસઈની માણેકપુર પોલીસની મદદથી ભાઈંદર ખાડીમાં બોટ લઈને સર્ચ ઑપરેશન હાથ ધર્યું છે.

શ્રદ્વા મર્ડરકેસની તપાસ ભાઈંદર ખાડી સુધી પહોંચી છે અને ગઈ કાલે ખાડીમાં સર્ચ ઑપરેશન હાથ ધરાયું હતું.

શ્રદ્વા મર્ડરકેસની તપાસ ભાઈંદર ખાડી સુધી પહોંચી છે અને ગઈ કાલે ખાડીમાં સર્ચ ઑપરેશન હાથ ધરાયું હતું.


મુંબઈ: શ્રદ્વા મર્ડરકેસ સામે આવ્યા બાદ અત્યાર સુધી તે આખા દેશમાં ગરમાયેલો જોવા મળે છે. એ સાથે દરરોજ નવી-નવી વાતો સુધ્ધાં સામે આવી રહી છે. એવામાં ગઈ કાલે દિલ્હી પોલીસે વસઈની માણેકપુર પોલીસની મદદથી ભાઈંદર ખાડીમાં બોટ લઈને સર્ચ ઑપરેશન હાથ ધર્યું છે. ગઈ કાલે બપોરથી આ ઑપરેશન હાથ ધરાયું હતું અને ફરી કોઈ નવી વાત અહીંથી જાણવા મળે એવી શક્યતા છે. આફતાબ વસઈ આવ્યો હતો ત્યારે શ્રદ્વાનો ફોન અને અન્ય કોઈ પુરાવા ખાડીમાં ફેંક્યા હોવાની શક્યતાના આધારે સર્ચ ઑપરેશન હાથ ધરાયું છે. 
શ્રદ્ધા વાલકર મર્ડરકેસમાં દિલ્હી પોલીસ છેલ્લા અનેક દિવસથી વસઈમાં આવીને આ કેસની તપાસ કરી રહી છે. એક પછી એક કડી જોડીને કેસની માહિતી ભેગી કરી છે. છેલ્લે દિલ્હી પોલીસે શ્રદ્ધાના પ્રેમી આફતાબ પૂનાવાલાની ડેટિંગ ઍપ પર થયેલી ત્રણ મિત્રોની પણ પૂછપરછ કરી હતી. હવે દિલ્હી પોલીસે માણેકપુર પોલીસ સ્ટેશનની મદદે ગઈ કાલે બપોરથી ભાઈંદર ખાડીમાં સર્ચ ઑપરેશન શરૂ કર્યું છે. આ વિશે માણેકપુર પોલીસ સ્ટેશનના સિનિયર પોલીસ ઇન્સ્પેક્ટર સંપતરાવ પાટીલે આપેલી માહિતી પ્રમાણે, ખાડી વિસ્તારમાં આફતાબના મોબાઇલનું લોકેશન મળી આવતાં શંકા ઊભી થઈ છે. પોલીસને શંકા છે કે આફતાબ વસઈમાં આવ્યો હતો ત્યારે તેણે શ્રદ્ધાનો મોબાઇલ ફોન કે કેટલાક પુરાવા ખાડીમાં ફેંકી દીધા હશે. એ હેતુથી આ કામગીરી ચાલી રહી છે. આને માટે માણિકપુર પોલીસની મદદથી સર્ચ ઑપરેશન ચાલી રહ્યું છે. આ ઑપરેશન માટે તરવૈયાઓ જે પાણીના ઊંડાણ સુધી જાય તેમની અને સ્થાનિક લોકોની પણ મદદ લીધી છે અને ગઈ કાલ બપોરથી સર્ચ ઑપરેશન ચાલુ છે.’

25 November, 2022 08:27 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Mumbaiમાં 5થી 7 ડિસેમ્બર સુધી આ રસ્તા કરવામાં આવ્યા બંધ

ભારત રત્ન ડૉ. બાબાસાહેબ આંબેડકરની 66મી પુણ્યતિથિ એટલે કે મહાપરિનિર્વાણ દિવસના અવસરે મુંબઈ ટ્રાફિક પોલીસે ટ્રાફિકમાં ફેરફાર કર્યા છે.

05 December, 2022 09:28 IST | Mumbai | Gujarati Mid-day Online Correspondent
મુંબઈ સમાચાર

Mumbai: રસ્તા પર તલવાર લઈને નીકળેલા યુવાનને મહિલાએ માર્યો લાફો, જાણો કારણ

મુંબઈમાં જૂનું વેર વાળવા મામલે એક શખ્સ તલવાર લઈને પહોંચ્યો. પોલીસે કેસ નોંધ્યો છે. યુવકનો વીડિયો પણ વાયરલ થયો છે.

05 December, 2022 02:59 IST | Mumbai | Gujarati Mid-day Online Correspondent
મુંબઈ સમાચાર

Mumbai:વેબ સિરીઝની આડમાં પોર્ન ફિલ્મો બનાવતા રેકેટનો પર્દાફાશ, એકની ધરપકડ

આ સંબંધમાં પોલીસે નિર્માતા અને દિગ્દર્શક યાસ્મીન ખાન સહિત ચાર આરોપીઓ વિરુદ્ધ કેસ નોંધ્યો છે.

05 December, 2022 02:52 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK