Pune Airport News: આરોપી ગોલેખાનના પિતાને મુસાફરી કરવાની મંજૂરી આપવામાં આવી હતી કારણ કે તેમની પાસે સાચી ઍર ટિકિટ હતી.
પુણે એરપોર્ટ (તસવીર સૌજન્ય: મિડ-ડે)
પુણે એરપોર્ટ પોલીસે શનિવારે વહેલી સવારે એક ખાનગી એરલાઇનની નકલી ટિકિટનો ઉપયોગ કરીને લોહેગાંવ એરપોર્ટના ટર્મિનલમાં પ્રવેશવાનો પ્રયાસ કરનાર આરોપીને ચિંચવડના (Pune Airport News) મોહનનગરમાંથી ધરપકડ કરી હતી.. એરપોર્ટ પર તહેનાત રહેલા સેન્ટ્રલ ઇન્ડસ્ટ્રિયલ સિક્યુરિટી ફોર્સ (CISF)ના કર્મચારીઓએ 27 વર્ષના બિરયાનીની દુકાનના માલિકની સલીમ ગોલેખાન આરોપીને છેતરપિંડી અને બનાવટીના આરોપસર લખનૌની ફ્લાઇટમાં બેસવા માટેના તેના પિતા સાથે અંદર જતી વખતે ટર્મિનલના ગેટ પર અટકાયત કરી લીધી હતી. એરપોર્ટ પોલીસના વરિષ્ઠ નિરીક્ષક અજય સંકેશ્વરીએ જણાવ્યું હતું કે, "ગોલેખાનના પિતાને મુસાફરી કરવાની મંજૂરી આપવામાં આવી હતી કારણ કે તેમની પાસે સાચી ઍર ટિકિટ હતી."
“ગોલેખાને કહ્યું કે તે તેના પિતાને મળવા માંગે છે અને બંને માટે પુણે-લખનૌ ફ્લાઇટ ટિકિટ બુક (Pune Airport News) કરવા માટે ઉત્તર પ્રદેશના શ્રાવસ્તી ખાતે ટ્રાવેલ એજન્ટને મળ્યો. અમે ટ્રાવેલ એજન્ટ નસરુદ્દીન ખાન સામે પણ આ મામલે ગુનો દાખલ કર્યો છે. અમે ગોલેખાનના ઓળખપત્રોની ચકાસણી કરી અને જાણવા મળ્યું કે તે મોહનનગર ખાતે ભોજનશાળા ચલાવવા માટે બે વર્ષ પહેલાં ચિંચવડ શિફ્ટ થતાં પહેલાં મુંબઈ નજીકના પાલઘર જિલ્લાના વિરારમાં બિરયાનીનો સ્ટોલ ચલાવતો હતો. તેનો કોઈ ગુનાહિત રેકોર્ડ નથી,” સંકેશ્વરીએ જણાવ્યું હતું કે, આરોપીના પિતા પૂણેમાં તેમના પુત્રની મુલાકાત લીધા બાદ ઉત્તર પ્રદેશમાં તેમના વતન પરત ફરી રહ્યા હતા. તે વખતે આ ઘટના બની હતી.
ADVERTISEMENT
"એજન્ટે તેને ટિકિટો મોકલી અને પિતા-પુત્ર બંને શનિવારે સવારે 2.45 વાગ્યે નિર્ધારિત ફ્લાઇટ માટે એરપોર્ટ પર પહોંચ્યા," તેમણે કહ્યું. જ્યારે એન્ટ્રી ગેટનું સંચાલન કરતા CISF કર્મચારીઓને જાણવા મળ્યું કે આરોપી દ્વારા લેવામાં આવેલ ટિકિટનો PNR નંબર તેમના રેકોર્ડ (Pune Airport News) સાથે મેળ ખાતો નથી, ત્યારે તેઓએ એરલાઇન સાથે તપાસ કરી અને તે બાદ પુષ્ટિ કરી કે આ ટિકિટ એરલાઇન દ્વારા જાહેર કરવામાં આવી નથી. ગોલેખાનની અટકાયત કરવામાં આવી હતી અને તેના પિતા, જેમની ટિકિટ અસલી મળી હતી, તેમને ફ્લાઈટમાં બેસવા દેવામાં આવ્યા હતા. પોલીસે ગોલેખાન અને નસરુદ્દીન વિરુદ્ધ ભારતીય ન્યાય સંહિતા (BNS) હેઠળ કેસ નોંધ્યો છે તેમ જ આ મામલે કોઈ બીજું કાવતરું કરવાનો પ્રયાસ હતો કે પછી આ માત્ર એક ટીકીટ એજન્ટ દ્વારા છેતરપિંડીનો જ મામલો છે તે અંગે કડક તપાસ કરવામાં આવી રહી છે.
નવી મુંબઈ એરપોર્ટ અપડેટ્સ
આ સાથે નવી મુંબઈ ઇન્ટરનૅશનલ ઍરપોર્ટ (Pune Airport News) માર્ચ ૨૦૨૫ સુધીમાં ચાલુ થવાની શક્યતા છે. પહેલા ફેઝમાં દર વર્ષે બે કરોડ પૅસેન્જર અને પાંચ લાખ ટન કાર્ગો હૅન્ડલ કરી શકાય એવી સુવિધાઓ ત્યાં ઊભી કરાઈ રહી છે. પહેલા ફેઝમાં એક રન-વે ચાલુ કરવામાં આવશે એ પછી બીજા પાંચ વર્ષના સમયગાળામાં બીજો રન-વે તૈયાર કરી એ પણ ચાલુ કરવામાં આવે એવું પ્લાનિંગ છે.
