ક્રાઈમ બ્રાન્ચ પ્રમાણે પ્રાથમિક તપાસમાં ખબર પડી છે કે આરોપી એન્થોનીની બહેનનું અભિનેત્રીની મા સાથે કૂતરાને કારણે ઝગડો થયો.
પ્રતીકાત્મક તસવીર
અભિનેત્રીને વિદેશમાં ડ્રગ્સ મામલે ફસાવવાના આરોપમાં મુંબઈ ક્રાઈમ બ્રાન્ચે બે આરોપીઓની ધરપકડ કરી છે. ધરપકડ આરોપીઓના નામ એન્થની પૉલ અને રાજેશ બોભાટે છે. પોલીસ પ્રમાણે ફિલ્મ `સડક 2`માં અભિનય કરી ચૂકેલી અભિનેત્રી કૃસન પરેરા (Chrisann Pereira)ની છેલ્લે થોડાક દિવસ પહેલા શારજાહ ઍરપૉર્ટ પર ડ્રગ્સ સાથે ધરપકડ કરવામાં આવી હતી. અભિનેત્રી સાથે એક ટ્રૉફી હતી, જેમાં ગાંજો સંતાડીને રાખવામાં આવ્યો હતો.
મુંબઈ (Mumbai) નજીક મીરા રોડમાં (Mira Road) રહેતા આરોપી એન્થોની અને રાજેશ પર અભિનેત્રીને શારજાહમાં પકડાયા બાદ છોડાવવા માટે પૈસા માગવાનો પણ આરોપ છે. ક્રાઈમ બ્રાન્ચ પ્રમાણે પ્રાથમિક તપાસમાં ખબર પડી છે કે આરોપી એન્થનીની બહેનનો અભિનેત્રીની મા સાથે કૂતરાને લઈને ઝગડો થયો હતો. આથી તેણે જાણીજોઈને તેમની દીકરીને ફસાવ્યા તેની શંકા છે.
ADVERTISEMENT
વેર વાળવા માટે એન્થનીએ એક્ટ્રેસને શારજાહમાં વેબ સીરિધના ઑડિશન માટે મોકલવાની વ્યવસ્થા કરી અને જતી વખતે સાથે ટ્રૉફી લઈ જવા માટે આપી. જેમાં ગાંજો સંતાડી રાખ્યો હતો.
આ પણ વાંચો : Delhi CM અરવિદ કેજરીવાલની સુરક્ષામાં ચૂક, નો ફ્લાય ઝોનમાં ઉડતું દેખાયું ડ્રોન
એન્થની અને રાજેશ પર બોરીવલીના એક ડી.જે ક્લેટન રોડ્રિગ્ઝને પણ આ રીતે જ ફસાવવાનો આરોપ છે. ક્લેટન રોડ્રિગ્સને આપેલી કેકમાં ગાંજો સંતાડવામાં આવ્યો હતો.
