° °

આજનું ઇ-પેપર
Tuesday, 27 September, 2022


સાઇકલ ચોરતો અનોખો ચોર

20 September, 2022 09:59 AM IST | Mumbai
Gujarati Mid-day Correspondent | feedbackgmd@mid-day.com

સાઇકલ ચોરીને વેચતાં પહેલાં ઢાંકીને નધણિયાતી મૂકી દેતો : જોકે બીજા સ્ટેટમાં વેચે એ પહેલાં જ પકડાઈ ગયો

શાહુનગર પોલીસ સ્ટેશનની બહાર જપ્ત કરાયેલી ચોરાયેલી સાઇકલો Crime News

શાહુનગર પોલીસ સ્ટેશનની બહાર જપ્ત કરાયેલી ચોરાયેલી સાઇકલો

શાહુનગર પોલીસે એક રીઢા સાઇકલચોરને ઝડપ્યો છે અને તેની પાસેથી છેલ્લા બે-ત્રણ મહિનામાં તેમના વિસ્તારમાંથી ચોરાયેલી ૨૭ સાઇકલ પાછી પણ મેળવી છે. જોકે તપાસમાં જાણવા મળ્યા મુજબ નવાઈની વાત એ છે કે તે પૈસા કમાવા માટે સાઇકલ ચોરતો, પણ એની રોકડી થાય એ પહેલાં એમને નધણિયાતી મૂકી દેતો. એ ચોરાઈ જવાની તેને લેશમાત્ર ફિકર નહોતી.  

શાહુનગર પોલીસને છેલ્લા થોડા વખતથી સાઇકલો ચોરાવાની ફરિયાદો મળી રહી હતી. એમાં શાહુનગર પોલીસના ડિટેક્શન સ્ટાફના સબ-ઇન્સ્પેક્ટર હરીશ દેશમુખને ૧૬ સપ્ટેમ્બરે તેમની ટીમ દ્વારા માહિતી મળી હતી કે એક રીઢો સાઇકલચોર માહિમ ફાટક વિસ્તારમાં ફરી રહ્યો છે. એટલે તરત જ ઍક્શન લઈને ૩૮ વર્ષના રઈસ ખાનને ઝડપી લેવાયો હતો. તેની પૂછપરછમાં તેણે કબૂલ્યું હતું કે માહિમ વિસ્તારમાંથી તેણે છેલ્લા બે-ત્રણ મહિનામાં ઘણી સાઇકલો ચોરી હતી. એ પછી પોલીસે તેને લઈ જઈને અલગ-અલગ જગ્યાએથી એ સાઇકલો પાછી મેળવી હતી. આવી કુલ ૨૭ સાઇકલ તેની પાસેથી મળી આવી હતી.

શાહુનગર પોલીસ સ્ટેશનના પીએસઆઇ હરીશ દેશમુખે આ વિશે માહિતી આપતાં ‘મિડ-ડે’ને કહ્યું હતું કે ‘આરોપી રઈસ પાર્ક કરેલી સાઇકલો ચોરવામાં માહેર હતો. તે અત્યાધુનિક લૉક પણ સળિયાની મદદથી તોડી નાખતો અને સાઇકલ લઈને નાસી જતો. જોકે એ પછી એ સાઇકલ લોકોનું બહુ ધ્યાન ન જાય એવી જગ્યાએ મૂકી દેતો અને એના પર પ્લાસ્ટિક નાખી દેતો. લૉક વગરની એ સાઇકલો ત્યાર બાદ નધણિયાતી પડી રહેતી હતી. એ ચોરાવાની તેને ફિકર નહોતી. તેનો હજી એક સાગરીત છે જે નાલાસોપારામાં રહે છે. અમે તેની શોધ ચલાવી રહ્યા છીએ. આ સાઇકલો યુપીના એક માણસને તેઓ બલ્કમાં વેચવાના હતા એવું જાણવા મળ્યું છે.’

આ પહેલાં પણ તેની સામે બાંદરા, ખાર, શિવાજી પાર્ક, ડી. એન. નગર અને એમઆરએ માર્ગ પોલીસ સ્ટેશનમાં સાઇકલચોરીની ફરિયાદો નોંધાઈ છે. હાલ કોર્ટે તેને બે દિવસની પોલીસ-કસ્ટડી આપી છે. ત્યાર બાદ અન્ય પોલીસ સ્ટેશન તેનો તાબો લે એવી શક્યતા છે. 

20 September, 2022 09:59 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Thane: એક મહિનાની માસૂમ બાળકીને છીનવવા ગયો વાંદરો, માએ બચાવ્યો જીવ

માતાએ બહાદુરી બતાવીને છોકરીને જોઈન્ટથી પકડી લીધી અને છોકરીને વાંદરાના હાથથી બચાવી

26 September, 2022 09:10 IST | Mumbai | Gujarati Mid-day Online Correspondent
મુંબઈ સમાચાર

ભુલેશ્વરમાં ભરબપોરે થઈ આંગડિયાની ઑફિસમાંથી એક કરોડ રૂપિયાની ચોરી

બે આરોપીઓ બંધ ઑફિસનો દરવાજો તોડીને અંદર રાખેલી તિજોરીમાંથી કૅશ સાથે પલાયન થઈ ગયા : વી. પી. રોડ પોલીસે ફરિયાદ નોંધીને તપાસ હાથ ધરી

26 September, 2022 01:55 IST | Mumbai | Gujarati Mid-day Correspondent
મુંબઈ સમાચાર

મુંબઈના ત્રણને નોકરીની લાલચ આપીને મ્યાનમારમાં ગોંધી રખાયા

ત્રણ પૈકીના એકે મિત્રનો સંપર્ક કરતાં મિત્રએ પોલીસને ઘટનાની જાણ કરી હતી, જેને પગલે ક્રાઇમ બ્રાન્ચે અજાણી વ્યક્તિઓ વિરુદ્ધ એફઆઇઆર દાખલ કર્યો હતો

26 September, 2022 10:07 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK