Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > રજા માણીને પાછા આવી રહેલા મુંબઈગરા કલાકો સુધી મુંબઈ-પુણે એક્સપ્રેસવે પર ટ્રાફિકમાં અટવાયા

રજા માણીને પાછા આવી રહેલા મુંબઈગરા કલાકો સુધી મુંબઈ-પુણે એક્સપ્રેસવે પર ટ્રાફિકમાં અટવાયા

22 May, 2023 09:06 AM IST | Mumbai
Gujarati Mid-day Correspondent | feedbackgmd@mid-day.com

લોનાવલાના એક્ઝિટ પાસે ચારથી પાંચ કિલોમીટરની લાંબી લાઇન લાગી હતી

પુણે-મુંબઈ લેન પર ભયંકર ટ્રાફિક-જૅમ

પુણે-મુંબઈ લેન પર ભયંકર ટ્રાફિક-જૅમ


સખત ગરમી અને બફારાથી બચવા અનેક મુંબઈગરા પરિવાર સાથે શનિ-રવિની રજામાં મુંબઈથી સૌથી નજીકના હિલ સ્ટેશન લોનાવલા પહોંચી ગયા હતા. જોકે ગઈ કાલે પાછા ફરતી વખતે એક્સપ્રેસવેની પુણે-મુંબઈ લેન પર ભયંકર ટ્રાફિક-જૅમ થવાથી તેમણે કલાકો સુધી અટવાઈ જવું પડ્યું હતું અને હાડમારી ભોગવવી પડી હતી. લોનાવલાના એક્ઝિટ પાસે ચારથી પાંચ કિલોમીટરની લાંબી લાઇન લાગી હતી. સ્થાનિક પોલીસ અને ટ્રાફિક પોલીસ દ્વારા ટ્રાફિકનું નિયમન કરીને વાહનો પસાર થવા દેવાતાં હતાં.

અત્યારે બાળકોનું વેકેશન ચાલી રહ્યું છે અને સાથે જ મુંબઈમાં ગરમીનો પારો ઊંચે જઈ રહ્યો છે એટલે અનેક પરિવારો મિત્રો સાથે બે દિવસની રજામાં લોનાવલા ગયા હતા. જોકે શનિવારે જવામાં તેઓ ટ્રાફિક-જૅમમાં અટવાયા હતા, જ્યારે રવિવારે પાછા ફરતી વખતે પણ તેમને ટ્રાફિકમાં અટવાવું પડ્યું હતું. એક્સપ્રેસવે પર ગાડી છોડીને બહાર નીકળી ન શકાય. બીજું ત્યાં ખાવા-પીવાના પણ ચોક્કસ સ્પૉટ છે. એ સિવાય વચ્ચે કશું મળે નહીં. એ જ પ્રમાણે ફ્રેશ થવા ટૉઇલેટની વ્યવસ્થા પણ એ ફૂડ ઝોનની આજુબાજમાં જ હોવાથી ટ્રાફિક-જૅમમાં ફસાયેલા લોકો પાસે કારમાં બેસી રહ્યા સિવાય બીજો વિકલ્પ ન હોવાથી ભારે હેરાનગતિ ભોગવવી પડી હતી.


Whatsapp-channel Whatsapp-channel

22 May, 2023 09:06 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK