° °

આજનું ઇ-પેપર
Tuesday, 15 June, 2021


ગુજરાતી ગૃહિણીએ દહેજને કારણે દીકરી સાથે આત્મહત્યા કરી?

28 October, 2012 04:39 AM IST |

ગુજરાતી ગૃહિણીએ દહેજને કારણે દીકરી સાથે આત્મહત્યા કરી?

ગુજરાતી ગૃહિણીએ દહેજને કારણે દીકરી સાથે આત્મહત્યા કરી?



કાંદિવલી (વેસ્ટ)માં રહેતી ૨૮ વર્ષની ગુજરાતી ગૃહિણી કૃતિકા પટેલની આત્મહત્યાના કેસમાં પોલીસે સાસરિયાંઓ સામે દહેજ માગવાનો ગુનો નોંધીને તપાસ શરૂ કરી છે. જોકે ગઈ કાલ સુધી તેનાં સાસરિયાંમાંથી કોઈની ધરપકડ કરવામાં નહોતી આવી. પોલીસે કહ્યું હતું કે ‘કૃતિકાના પતિ અને તેનાં સાસુ-સસરાની ધરપકડ કરવામાં આવશે. હાલમાં પોલીસ તેમને શોધી રહી છે. ગયા સોમવારે બપોરે કૃતિકાએ આત્મહત્યા કરતાં પહેલાં તેની અઢી વર્ષની પુત્રી જેનીને ૧૮મા માળેથી ફેંકી દીધી હતી અને પછી પોતે પણ ઝંપલાવીને આત્મહત્યા કરી હતી.’

કાંદિવલી પોલીસ-સ્ટેશનના સિનિયર ઇન્સ્પેક્ટર હરેશ્વર પિંપળેએ કહ્યું હતું કે ‘કાંદિવલી (વેસ્ટ)ની શંકર લેનમાં આવેલા કે. કે. બિલ્ડિંગમાં રહેતી કૃતિકાના ઘરે ગઈ કાલે અમે ગયા હતા. એ વખતે તેના ઘરે તાળું હતું અને હાલમાં તેઓ ક્યાં છે એની અમને જાણ નથી. અમે કૃતિકાનાં સાસુ-સસરા અને પતિની શોધ કરી રહ્યા છીએ. અમને લાગે છે કે તેઓ કોઈક રિલેટિવના ઘરે રહેવા ગયાં હશે. હાલમાં અમે કૃતિકાના પિતાના સ્ટેટમેન્ટને આધારે તેના પતિ કૌશલ અને સાસરિયાંનાં રામાબહેન, ગોપાલભાઈ અને તન્વી વિરુ¢ ગુનો નોંધ્યો છે. અમે તેમની ધરપકડ કરીશું.’

કૃતિકાના પિતાએ આરોપ કરતાં પોલીસને કહ્યું હતું કે ‘કાંદિવલી (વેસ્ટ)ના રૂપનગર સોસાયટીના ઘરના રિનોવેશન માટે કૃતિકા પાસે સાસરિયાંઓએ ૮થી ૧૦ લાખ રૂપિયા જમા કરી આપવા કહ્યું હતું. કૃતિકાએ બાળકીને જન્મ આપ્યો ત્યારથી તેઓ સતત સતાવી રહ્યાં હતાં એથી તેણે સુસાઇડ કર્યું હતું.’

સુસાઇડ-નોટમાં શું લખ્યું હતું?

કૃતિકાએ સુસાઇડ-નોટમાં લખ્યું હતું કે ‘હું મારું જીવન ટૂંકાવી રહી છું. હું મારાં સાસરિયાંઓને ખુશ નથી રાખી શકતી એથી હું આત્મહત્યા કરી રહી છું. મારા મૃત્યુ માટે તેઓ જવાબદાર નથી. લગ્ન વખતે હું મારા ઘરેથી દાગીના લાવી હતી એ મારા પિતાને આપી દેજો અને મારાં સાસરિયાં તરફથી મને આપવામાં આવેલા દાગીના મારાં સાસરિયાંઓને આપી દેજો. મારી દીકરીને પણ મારી જેમ ત્રાસ સહન કરવો ન પડે એ માટે તેની સાથે હું આત્મહત્યા કરી રહી છું.’

28 October, 2012 04:39 AM IST |

અન્ય લેખો

મુંબઈ સમાચાર

`નાગિન 3` ફૅમ પર્લ વી પુરીને બળાત્કારના કેસમાં ૧૧ દિવસ બાદ મળ્યા જામીન

ટીવી અભિનેતા પર પાંચ વર્ષની છોકરીનો બળાત્કાર કરવાનો આરોપ છે

15 June, 2021 06:41 IST | Mumbai | Gujarati Mid-day Online Correspondent
મુંબઈ સમાચાર

ફાઇવ સ્ટાર હોટલમાં ડ્રગ્સ સાથે જન્મદિવસ ઉજવતી હતી આ અભિનેત્રી,પોલીસે કરી ધરપકડ

એક ફાઇવ સ્ટાર હોટલમાં બૉલિવૂડ અભિનેત્રી નેહલ શાહ પોતાનો જન્મદિવસ ઉજવતી હતી. પોલીસે રવિવાર-સોમવાર દરમિયાનની રાતે હોટલમાં છાપેમારી કરી આ મામલે ખુલાસો કર્યો.

15 June, 2021 01:16 IST | Mumbai | Gujarati Mid-day Online Correspondent
મુંબઈ સમાચાર

મુંબઇમાં મહિલા પોલીસકર્મી સાથે બળાત્કાર, ત્રણે લોકો વિરુદ્ધ FIR નોંધાઇ

સોમવારે જાહેર એક નિવેદનમાં, પોલીસે કહ્યું કે મુખ્ય આરોપીએ લગ્નના બહાને મહિલા આસિસ્ટન્ટ પોલીસ ઇન્સ્પેક્ટર સાથે બળાત્કાર કર્યો અને મહિલાને બ્લેકમેલ કરવા માટેની ઘટનાનો વીડિયો પણ બનાવ્યો છે.

15 June, 2021 01:07 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK