° °

આજનું ઇ-પેપર
Thursday, 30 June, 2022


શરદ પવારની હાજરીમાં થઈ મુંડે ભાઈ-બહેન વચ્ચે શાબ્દિક ટપાટપી

19 May, 2022 08:38 AM IST | Mumbai
Gujarati Mid-day Correspondent | feedbackgmd@mid-day.com

રાજકીય હરીફ અને પિતરાઈ ભાઈ-બહેન એનસીપીના નેતા ધનંજય મુંડે અને બીજેપીનાં પંકજા મુંડેએ બુધવારે એક કાર્યક્રમ દરમિયાન સ્ટેજ પર એકબીજા પર શાબ્દિક પ્રહારો કર્યા હતા.

શરદ પવારની હાજરીમાં થઈ મુંડે ભાઈ-બહેન વચ્ચે શાબ્દિક ટપાટપી

શરદ પવારની હાજરીમાં થઈ મુંડે ભાઈ-બહેન વચ્ચે શાબ્દિક ટપાટપી

મુંબઈ (પી.ટી.આઇ.) : રાજકીય હરીફ અને પિતરાઈ ભાઈ-બહેન એનસીપીના નેતા ધનંજય મુંડે અને બીજેપીનાં પંકજા મુંડેએ બુધવારે એક કાર્યક્રમ દરમિયાન સ્ટેજ પર એકબીજા પર શાબ્દિક પ્રહારો કર્યા હતા.
જાણીતા ઑપ્થેલ્મોલૉજિસ્ટ ડૉક્ટર તાત્યારાવ લહાણેની હૉસ્પિટલના ઉદ્ઘાટન પ્રસંગે એનસીપીના પ્રમુખ શરદ પવારની હાજરીમાં ઉપરોક્ત ઘટના બની હતી. શરદ પવારે તેમના સંબોધન દરમિયાન ડૉક્ટર તાત્યારાવ લહાણેની પ્રશંસા કરતાં જણાવ્યું હતું કે મને વિશ્વાસ છે કે ડૉક્ટર લહાણે આ હૉસ્પિટલ થકી જરૂરિયાતમંદોને દૃષ્ટિ આપવાનું ચાલુ રાખશે.
ભૂતપૂર્વ પ્રધાન પંકજા મુંડેએ તેમના વક્તવ્ય દરમિયાન કહ્યું હતું કે ‘આપણા બીડ જિલ્લાના ગાર્ડિયન પ્રધાન અને અમારા ભાઈ ધનંજય મુંડે, મુંડે-મહાજનની ‘દૃષ્ટિ’થી જોઈને મોટા થયા છે અને હવે પવારસાહેબની ‘દૃષ્ટિ’થી જોઈ રહ્યા છે જેનું સદ્ભાગ્ય ઘણા ઓછા લોકોને સાંપડે છે.’
સ્વાભાવિક રીતે તેઓ બીજેપીના નેતાઓ ગોપીનાથ મુંડે અને પ્રમોદ મહાજનનો ઉલ્લેખ કરી રહ્યાં હતાં, જેમના માર્ગદર્શન હેઠળ ધનંજય મુંડેએ રાજકીય કારકિર્દી શરૂ કરી હતી અને ૨૦૧૩માં બીજેપી સાથે છેડો ફાડીને તેઓ એનસીપીમાં જોડાયા હતા.
પિતરાઈ બહેનનાં વાગ્બાણનો જવાબ આપતાં ધનંજય મુંડેએ કહ્યું હતું કે ‘તાઈ (બહેન), કેટલીક વખત વ્યક્તિએ દૃષ્ટિ કેળવવી પડે છે. થોડી વાર પહેલાં હું આદિત્ય ઠાકરે સાથે વાત કરી રહ્યો હતો અને તેમણે કહ્યું હતું કે તાઈ દૃષ્ટિ બદલીને મહાવિકાસ આઘાડીની દૃષ્ટિ અપનાવે તો સારું. આ તેમણે કહ્યું હતું, મેં નહીં.’

19 May, 2022 08:38 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

કુર્લા દુર્ઘટનાના અસરગ્રસ્તોને હજી આશરો નથી મળ્યો

સામાન્ય રીતે આવી ઘટના બાદ લોકોને બીએમસી શેલ્ટર આપે છે, પરંતુ મોટા ભાગના મજૂરોએ હૉસ્પિટલની બહાર રસ્તા પર જ રાત વિતાવી હતી

30 June, 2022 10:20 IST | Mumbai | Sameer Surve
મુંબઈ સમાચાર

કાંદિવલીના ગુજરાતીને કંપનીનો ડિરેક્ટર બનાવીને આપ્યો દગો

કંપનીના ડિરેક્ટરપદ પરથી રાજીનામું આપ્યું હોવા છતાં ભૂતપૂર્વ સાથી ડિરેક્ટરોએ કરેલી છેતરપિંડીને કારણે ઇન્કમ ટૅક્સ અને બૅન્કે આપી ૭૦ લાખ રૂપિયા ભરવાની નોટિસ

30 June, 2022 10:15 IST | Mumbai | Bakulesh Trivedi
મુંબઈ સમાચાર

તમે શું કારમાં ડ્રગ્સ લઈ જઈ રહ્યાં છો? અમારે તમારા હાથ સૂંઘવા છે, કાચ નીચે કરો

આવું કહીને અભિનેત્રી કૃતિકા દેસાઈને લૂંટવાનો પ્રયાસ કરનારા બે બનાવટી પોલીસ પકડાયા

30 June, 2022 10:10 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK