પ્રાઇવેટ કંપનીનું આ હેલિકૉપ્ટર સવારે આશરે ૧૧ વાગ્યે નાગપુરથી રાયપુર તરફ જઈ રહ્યું હતું
વાઇરલ વિડીયોમાંથી સ્ક્રીનશૉટ
ભંડારા જિલ્લામાં રવિવારે ખરાબ હવામાન અને ઓછી વિઝિબિલિટીને કારણે ૪ મુસાફરોને લઈ જઈ રહેલા પ્રાઇવેટ હેલિકૉપ્ટરનું તળાવ નજીક ઇમર્જન્સી લૅન્ડિંગ કરાવવું પડ્યું હતું. મોહગાવ-નિલાજ રોડ નજીક થયેલી આ ઘટનામાં સદ્નસીબે તમામ મુસાફરો સુરક્ષિત છે અને કોઈને ઈજા થઈ નથી.
પ્રાઇવેટ કંપનીનું આ હેલિકૉપ્ટર સવારે આશરે ૧૧ વાગ્યે નાગપુરથી રાયપુર તરફ જઈ રહ્યું હતું. અચાનક વાતાવરણ ખરાબ થતાં અને વિઝિબિલિટી ઘટી જતાં ભિસારી તળાવ પર થોડો સમય હેલિકૉપ્ટરે ચક્કર માર્યાં હતાં. તળાવમાં પાણીનું સ્તર ઓછું હોવાથી આસપાસ મોટો ખુલ્લો વિસ્તાર ઉપલબ્ધ હતો, જેનો ઉપયોગ કરીને પાઇલટે સાવચેતીપૂર્વક ઇમર્જન્સી લૅન્ડિંગ કરાવ્યું હતું. લગભગ એક કલાક સુધી સ્થળ પર રોકાયા બાદ હવામાનમાં સુધારો થતાં હેલિકૉપ્ટરે નાગપુર તરફ પાછી ઉડાન ભરી હતી.
