ડેપ્યુટી સીએમ દેવેન્દ્ર ફડણવીસને જાનથી મારી નાખવાની ધમકી, બે જણ સામે કેસ

Devendra Fadnavis Death Threat : અજાણ્યા આરોપીએ એક ન્યૂઝ ચેનલ સાથેની મુલાકાત દરમિયાન દેવેન્દ્ર ફડણવીસને ધમકીઓ આપી હતી

દેવેન્દ્ર ફડણવીસ (ફાઇલ તસવીર)

મહારાષ્ટ્ર (Maharashtra)ના નાયબ મુખ્ય પ્રધાન દેવેન્દ્ર ફડણવીસ (Devendra Fadnavis)ને ફરી એકવાર જાનથી મારી નાખવાની ધમકી મળી છે. જોકે, મુંબઈ પોલીસ (Mumbai Police)એ મહારાષ્ટ્રના ડેપ્યુટી સીએમને મારી નાખવાની ધમકી (Devendra Fadnavis Death Threat) આપને બે શખ્સ વિરુદ્ધ ગુનો નોંધ્યો છે.

સાંતાક્રુઝ પોલીસ (Santacruz Police)એ મહારાષ્ટ્રના નાયબ મુખ્યમંત્રી દેવેન્દ્ર ફડણવીસને જાનથી મારી નાખવાની ધમકી આપવાના આરોપમાં એક અજાણ્યા વ્યક્તિ વિરુદ્ધ FIR નોંધી છે. અજાણ્યા આરોપીએ એક ન્યૂઝ ચેનલને આપેલા ઈન્ટરવ્યુ દરમિયાન દેવેન્દ્ર ફડણવીસને ધમકીઓ આપી હતી. પોલીસે સોશિયલ મીડિયા (Social Media) સાઈટ ફેસબુક (Facebook) પર ધમકીનો વીડિયો અપલોડ કરવા બદલ અને દ્વેષપૂર્ણ ભાષણ માટે અન્ય એક વ્યક્તિ સામે પણ ગુનો નોંધ્યો છે.

ADVERTISEMENT

પોલીસ સૂત્રોના જણાવ્યા અનુસાર, સામાજિક કાર્યકર અને સાંતાક્રુઝના રહેવાસી અક્ષય પનવેલકર (૩૨ વર્ષ)ની ફરિયાદના આધારે અજાણ્યા આરોપીઓ વિરુદ્ધ FIR દાખલ કરવામાં આવી હતી. શિવસેના (Shiv Sena) સાથે સંકળાયેલા પનવેલકરને મંગળવારે ફેસબુક પર વીડિયો સ્ક્રોલ કરતી વખતે આ વીડિયો સામે આવ્યા હતા. વીડિયોમાં, આરોપીએ રીતે ભાજપના વરિષ્ઠ નેતા અને મહારાષ્ટ્રના ડેપ્યુટી સીએમ દેવેન્દ્ર ફડવીસને શાબ્દિક રીતે દુર્વ્યવહાર કર્યો અને એમ પણ કહ્યું કે તે તેને છ ફૂટ નીચે દફનાવી દેશે.

એક પોલીસ અધિકારીએ મિડ-ડેને જણાવ્યું હતું કે, ‘પનવેલકર દ્વારા જોવામાં આવેલો વિડિયો, યોગેશ સાવંત દ્વારા ફેસબુક પર અપલોડ કરવામાં આવ્યો હતો; ઇન્ટરવ્યુમાં ડેપ્યુટી સીએમ દેવેન્દ્ર ફડણવીસને મારી નાખવાની ધમકી આપનાર વ્યક્તિ સાથે તેની સામે પણ ગુનો નોંધવામાં આવ્યો છે.’

આ કેસ બાબતે એક પોલીસ અધિકારીએ જણાવ્યું કે, ‘અમે IPC 500 (બદનક્ષી), 505(3) (જાહેર દુષ્કર્મ આચરતા નિવેદનો), 506(2) (ધમકી), 34 (સામાન્ય હેતુ) અને 153-A (જૂથો વચ્ચે દુશ્મનાવટને પ્રોત્સાહન આપવી) હેઠળ એફઆઈઆર નોંધી છે. આ બાબતે વધુ તપાસ હાથ ધરી છે.’

નોંધનીય છે કે, મહારાષ્ટ્રના નાયબ મુખ્ય પ્રધાન દેવેન્દ્ર ફડણવીસ અત્યારે મરાઠા સમાજને આરક્ષણ આપવાની માગણી સાથે આંદોલન કરી રહેલા મનોજ જરાંગે પાટીલ સાથેના મુદ્દાને કારણે પણ બહુ ચર્ચામાં છે. મનોજ જરાંગે નાયબ મુખ્યપ્રધાન દેવેન્દ્ર ફડણવીસની એકવચન અને નીચી ભાષામાં ટીકા કરી હતી. મનોજ જરાંગે પાટીલ પર વિવિધ પ્રકારના આરોપો થવા ઉપરાંત તેણે વડા પ્રધાન નરેન્દ્ર મોદીની સભા અને દેવેન્દ્ર ફડણવીસને અપશબ્દો કહેવા બાબતે વિધાનસભાના બજેટસત્રમાં ગઈ કાલે બીજેપી દ્વારા જોરદાર હુમલો કરવાની સાથે આ મામલાની એસઆઇટી તપાસ કરવાની માગણી કરવામાં આવી હતી. વિધાનસભાના સ્પીકર રાહુલ નાર્વેકરે એ માગણી માન્ય રાખી હતી અને એસઆઇટી ગઠિત કરવાનો આદેશ આપ્યો હતો. આથી મનોજ જરાંગ પાટીલે દેવેન્દ્ર ફડણવીસ માટે કહેલા શબ્દો પાછા લીધા હતા અને દિલગીરી વ્યક્ત કરી હતી.