Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > મુંબઈ સમાચાર > આર્ટિકલ્સ > મતદાનકેન્દ્રમાં સવારના સાતથી રાતના ૧૧ વાગ્યા સુધી કામ કરનારા BMCના ગુજરાતી કર્મચારીનું મૃત્યુ

મતદાનકેન્દ્રમાં સવારના સાતથી રાતના ૧૧ વાગ્યા સુધી કામ કરનારા BMCના ગુજરાતી કર્મચારીનું મૃત્યુ

22 May, 2024 06:58 AM IST | Mumbai
Gujarati Mid-day Correspondent | feedbackgmd@mid-day.com

હૉસ્પિટલ લઈ જતી વખતે રસ્તામાં જ તેમનું મૃત્યુ થયું હતું.

સુનીલ પટેલ

સુનીલ પટેલ


મહારાષ્ટ્રમાં સોમવારે અંતિમ તબક્કાની ૧૩ બેઠક માટે મતદાન હાથ ધરવામાં આવ્યું ત્યારે ફોર્ટ ખાતેના એક મતદાનકેન્દ્રમાં તહેનાત બૃહન્મુંબઈ મ્યુનિસિપલ કૉર્પોરેશન (BMC)ના ૫૬ વર્ષના ગુજરાતી કર્મચારી સુનીલ પટેલ (પડાયા)નું મૃત્યુ થયું હતું. તેઓ મતદાનકેન્દ્રમાં હતા અને રાત્રે ૧૧ વાગ્યે પણ કામ ચાલતું હતું ત્યારે પડી ગયા હતા. હૉસ્પિટલ લઈ જતી વખતે રસ્તામાં જ તેમનું મૃત્યુ થયું હતું.


માઝગાવમાં તાડવાડીમાં રહેતા મૂળ મેઘવાળ સમાજના ભાવનગરના ભડી ભંડારિયા ગામના વતની સુનીલ પટેલનું મૃત્યુ થવા વિશે તેમના પિતરાઈ ભાઈ જયસિંહ પડાયા (પટેલ)એ ‘મિડ-ડે’ને કહ્યું હતું કે ‘સુનીલની ૩૫ વર્ષથી BMCના એચ/સાઉથ વૉર્ડમાં સિપાહીની જૉબ હતી. લોકસભાની ચૂંટણીની જાહેરાત થયા બાદ તેને ફોર્ટમાં આવેલા ઓલ્ડ કસ્ટમ્સ હાઉસ પાસેના મતદાનકેન્દ્રમાં ચૂંટણીની ડ્યુટી આપવામાં આવી હતી. ગઈ કાલે સવારના સાત વાગ્યાથી તે મતદાનકેન્દ્રમાં કામ કરી રહ્યો હતો. મોડે સુધી મતદાન ચાલુ રહ્યું હતું ત્યારે ૧૧ વાગ્યે તેને ચક્કર આવતાં તે પડી ગયો હતો. ટૅક્સીમાં બેસાડીને તેને સેન્ટ જ્યૉર્જ હૉસ્પિટલમાં લઈ જવાતો હતો ત્યારે રસ્તામાં જ તેને હાર્ટ-અટૅક આવતાં મૃત્યુ થયું હતું. સખત ગરમી વચ્ચે સવારના સાતથી રાતના ૧૧ વાગ્યા 
સુધી એટલે કે ૧૬ કલાક સુધી કામ કરવાને લીધે સુનીલને હાર્ટ-અટૅક આવ્યો હતો. પત્ની, એક દીકરો અને એક દીકરીના પરિવારમાં સુનીલ કમાનારો એકલો હતો.’


Whatsapp-channel Whatsapp-channel

22 May, 2024 06:58 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK