ધુમાડાના ગોટેગોટા નીકળવા માંડતાં ગભરાટ ફેલાઈ ગયો હતો
પાર્કિંગ એરિયામાં પાર્ક કરાયેલી કારમાં આગ ફાટી નીકળી હતી
કાંદિવલી-વેસ્ટમાં ચારકોપમાં લક્ષ્મણનગરના બિલ્ડિંગની નીચે આવેલા પાર્કિંગ એરિયામાં પાર્ક કરાયેલી એક કારમાં ગઈ કાલે આગ ફાટી નીકળી હતી. આગ લાગ્યા બાદ ધુમાડાના ગોટેગોટા નીકળવા માંડતાં ગભરાટ ફેલાઈ ગયો હતો. તરત જ ફાયર-બ્રિગેડને આ બાબતે જાણ કરવામાં આવતાં ફાયર-એન્જિન ઘટનાસ્થળે ધસી ગયાં હતાં.
નવી મુંબઈમાં લાકડાંના ગોદામમાં લાગી આગ
ADVERTISEMENT
નવી મુંબઈના દહિસર-મોરી વિસ્તારમાં આવેલા લાકડાંના ગોડાઉનમાં ગુરુવારે રાતે ૧૧.૫૦ વાગ્યે આગ ફાટી નીકળી હતી. ગોડાઉનમાં મોટા પ્રમાણમાં લાકડાંનો સ્ટૉક કરાયો હોવાથી થોડી જ વારમાં આગ વિકરાળ બની હતી. આગનો વ્યાપ જોતાં કોપરખૈરણે, નેરુળ, ઐરોલી, સીબીડી બેલાપુર, કળંબોલી અને રબાળે ફાયર-સ્ટેશનથી વધારાનાં ફાયર-એન્જિન બોલાવી આગને કાબૂમાં લેવાના પ્રયાસ કરવામાં આવ્યા હતા. મધરાતની આસપાસ લાગેલી આગ પર સવારના ૮ વાગ્યે કાબૂ મેળવી શકાયો હતો. સદ્ભાગ્યે આગમાં કોઈ જાનહાનિ થઈ નહોતી.
