Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > BMC: `મિશન એડમિશન` બાદ હવે પાલિકાના શિક્ષણ વિભાગનું આ છે નવું મિશન, જાણો વિગત

BMC: `મિશન એડમિશન` બાદ હવે પાલિકાના શિક્ષણ વિભાગનું આ છે નવું મિશન, જાણો વિગત

25 May, 2023 09:40 PM IST | Mumbai
Gujarati Mid-day Online Correspondent | gmddigital@mid-day.com

બૃહન્મુંબઈ મહાનગર પાલિકાની શૈક્ષણિક સેવાઓ અને સુવિધાઓમાં ધડમૂળથી ફેરફાર કરીને, વિદ્યાર્થીઓના સર્વાંગી વિકાસ માટે શિક્ષણની સાથે સાથે વિવિધ પ્રવૃત્તિઓનો અમલ કરવામાં આવી રહ્યો છે

પ્રતીકાત્મક તસવીર

પ્રતીકાત્મક તસવીર


બૃહન્મુંબઈ મહાનગર પાલિકા (BMC)ના શિક્ષણ વિભાગ દ્વારા શાળાઓમાં એડમિશન વધારવાના ઉદ્દેશ્ય સાથે હાથ ધરવામાં આવેલા વિશેષ અભિયાન `મિશન એડમિશન-એક જ લક્ષ્ય-એક લક્ષ્ય`ની જબરદસ્ત સફળતા બાદ, બૃહન્મુંબઈ મહાનગર પાલિકાના શિક્ષણ વિભાગે હવે `મિશન મેરિટ` હાથ ધર્યું છે. દરેક બાળકને શિક્ષણ પ્રવાહમાં લાવવાની સાથે ગુણવત્તાયુક્ત શિક્ષણ આપવા માટે આ વિશેષ અભિયાન હાથ ધરવામાં આવ્યું છે. આ માટે તૈયાર કરાયેલા એક્શન પ્લાનની અમલબજવણી આગામી શૈક્ષણિક વરસથી કરવામાં આવશે.

બૃહન્મુંબઈ મહાનગર પાલિકાની શૈક્ષણિક સેવાઓ અને સુવિધાઓમાં ધડમૂળથી ફેરફાર કરીને, વિદ્યાર્થીઓના સર્વાંગી વિકાસ માટે શિક્ષણની સાથે સાથે વિવિધ પ્રવૃત્તિઓનો અમલ કરવામાં આવી રહ્યો છે. બૃહન્મુંબઈ મ્યુનિસિપલ કમિશનર અને એડમિનિસ્ટ્રેટર ઈકબાલ સિંહ ચહલ અને એડિશનલ મ્યુનિસિપલ કમિશનર (પૂર્વ ઉપનગરો) અશ્વિની ભીડેના નેતૃત્વ હેઠળ, શિક્ષણ વિભાગ દ્વારા SIES સ્કૂલ ઓડિટોરિયમ, માટુંગા ખાતે `ગુણવત્તા શિક્ષણ` કાર્યક્રમ અંતર્ગત સેમિનારનું આયોજન થયું હતું, જેની કલ્પના જોઈન્ટ કમિશનર (પૂર્વીય ઉપનગરો) અજીત કુંભાર દ્વારા કરવામાં આવી હતી. મ્યુનિસિપલ શાળાઓમાં વિદ્યાર્થીઓની ગુણવત્તા વધે તે માટે આ સેમિનારનું આયોજન કરવામાં આવ્યું હતું.



શિક્ષણ ક્ષેત્રે નોંધપાત્ર કામગીરી કરનાર શિક્ષકો, આચાર્યો, અધિકારીઓની ત્રિપુટીના આધારે `મિશન મેરિટ` અમલમાં મૂકવામાં આવશે. બાળકોને શિક્ષણના પ્રવાહમાં લાવવા માટે બિન-સરકારી સંસ્થાઓના પ્રતિનિધિઓ દ્વારા હાથ ધરવામાં આવતી વિવિધ પ્રવૃત્તિઓ અને લાતુર પેટર્ન. આ ત્રણેય ક્ષેત્રના તજજ્ઞોએ બૃહન્મુંબઈ મહાનગર પાલિકાના શિક્ષણ વિભાગના મહત્ત્વના વિષયો પર ચર્ચા કરી આગામી વર્ષનું આયોજન કર્યું છે.


આ વિષયો પર મંથન

વિદ્યાર્થીઓની નિયમિત હાજરી, વિવિધ શિષ્યવૃત્તિ પરીક્ષાઓ, મૂળભૂત સાક્ષરતા અને ગાણિતિક ખ્યાલો (FLN) સ્તર મુજબના શિક્ષણ પરિણામો (LO) જેવા મુદ્દાઓ પર વિચારણા કરવા માટે શિક્ષણ અધિકારીઓની અધ્યક્ષતા હેઠળ સમિતિઓની રચના કરવામાં આવી છે. ઉપરોક્ત મુદ્દાઓને દૂર કરવા માટે સમિતિ 31 મે, 2023 સુધીમાં બૃહન્મુંબઈ મહાનગર પાલિકાના શિક્ષણ વિભાગને અહેવાલ સુપરત કરશે.


આ પણ વાંચો: મહારાષ્ટ્રમાં HSCનું પરિણામ જાહેર: કોંકણ વિભાગે કર્યું ટોપ, મુંબઈ એકદમ તળિયે

આઠ દિવસમાં એક્શન પ્લાન તૈયાર કરાશે

વિદ્યાર્થીઓની બૌદ્ધિક પ્રગતિ, શિક્ષણની ગુણવત્તા, શિક્ષણમાં કોઈ સમસ્યા હોય તો તેના કારણો, તે સમસ્યાનું નિરાકરણ વગેરે બાબતો સમિતિ દ્વારા રજૂ કરવામાં આવશે. ત્યાર બાદ આ રિપોર્ટ અનુસાર એક્શન પ્લાન તૈયાર કરવામાં આવશે. આ માટે દરેક સમિતિમાં દસ સભ્યો હશે. આ સભ્યો આઠ દિવસમાં અભ્યાસ કરશે અને ઉકેલો અને પ્રવૃત્તિઓ સૂચવશે.

Whatsapp-channel Whatsapp-channel

25 May, 2023 09:40 PM IST | Mumbai | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK