° °

આજનું ઇ-પેપર
Wednesday, 08 December, 2021


આયર્ન ખાન મુદ્દે  શિવસેના પર ભડકી ભાજપ, શું મહારાષ્ટ્ર સરકાર અને ડ્રગ માફિયાઓ વચ્ચે કોઈ કનેક્શન? 

19 October, 2021 06:35 PM IST | mumbai | Gujarati Mid-day Online Correspondent

શિવસેનાના નેતાએ આર્યન ખાન કેસ અંગે સુપ્રીમ કોર્ટમાં અરજી દાખલ કરતા ભાજપ ભડકી ઉઠ્યું છે.

રામ કદમ

રામ કદમ

શિવસેનાના નેતાએ આર્યન ખાન કેસ અંગે સુપ્રીમ કોર્ટમાં અરજી દાખલ કરતા ભાજપ ભડકી ઉઠ્યું છે. ભાજપના પ્રવક્તા રામ કદમે આ અંગે શિવસેના અને આઘાડી સરકાર પર પ્રહાર કર્યા છે. તેમણે પ્રશ્ન ઉઠાવ્યો છે કે શું મહારાષ્ટ્ર સરકાર ડ્રગ માફિયાઓ સાથે કોઈ સંબંધ ધરાવે છે, જેઓ તેમનો બચાવ કરી રહ્યા છે. રામ કદમે કહ્યું, શિવસેનાના નેતાઓ હવે દેશની સુપ્રીમ કોર્ટમાં જઈને આર્યન ખાનના ડ્રગ્સ કેસનો મુદ્દો ઉઠાવી રહ્યા છે. અમે આર્યન ખાન કે કોઈ ખાસ વ્યક્તિની વિરુદ્ધ નથી અમે શાહરૂખ ખાન કે અન્ય કોઈ બૉલિવૂડ કલાકારની વિરુદ્ધ નથી. તેમના માટે સંપૂર્ણ આદર છે.

રામ કદમે કહ્યું, `પ્રશ્ન એ ઉદ્ભવે છે કે જે રીતે મહારાષ્ટ્રના મુખ્યમંત્રી ઉદ્ધવ ઠાકરે, એનસીપી સુપ્રીમો શરદ પવાર અને અન્ય મંત્રીઓ પ્રેસ કોન્ફરન્સ યોજીને એનસીબી પર સતત હુમલો કરી રહ્યા છે, NCBને જે રીતે અધિકારીઓને બદનામ અને અપમાનિત કરી રહી છે. તેમનું મનોબળ ઘટાડવાના પ્રયાસો થઈ રહ્યા છે. આખી સરકાર ડ્રગ માફિયા સાથે ઉભી છે.

રામ કદમે એક વિડીયો જાહેર કરતા કહ્યું કે, ડ્રગ માફિયા અને મહારાષ્ટ્ર વચ્ચે શું સંબંધ છે. શું મહારાષ્ટ્ર સરકારના નેતાઓ ડ્રગ માફિયાઓ પાસેથી પણ રિકવરી મેળવી રહ્યા છે? કદાચ આ જ કારણ છે કે તેઓ ડ્રગ માફિયાઓને પ્રત્યક્ષ કે પરોક્ષ રીતે ટેકો આપી રહ્યા છે. મહારાષ્ટ્ર વિકાસ આઘાડી સરકાર અને શિવસેનાએ દેશનો સર્વોચ્ચ ન્યાયતંત્ર આ બાબતે દસ્તક આપે તે પહેલા આનો જવાબ આપવો પડશે.

મહત્વનું છે કે, મુંબઈ ક્રૂઝ ડ્રગ્સ પાર્ટી કેસમાં સુપ્રીમ કોર્ટમાં એક અરજી દાખલ કરવામાં આવી છે. આ કેસમાં ધરપકડ કરાયેલા આર્યન ખાનના મૂળભૂત અધિકારોના રક્ષણની માંગ કરતી અરજી દાખલ કરવામાં આવી છે. આ અરજી શિવસેના નેતા કિશોર તિવારી વતી દાખલ કરવામાં આવી છે. સુપ્રીમ કોર્ટના ન્યાયાધીશને NCB ની ભૂમિકાની તપાસ કરવા માટે કહેવામાં આવ્યું છે.

તિવારીએ કહ્યું છે કે NCB દુર્ભાવનાપૂર્ણ અને બદલો લેવાની ભાવના સાથે કામ કરી રહ્યું છે. NCB ના અધિકારીઓ છેલ્લા બે વર્ષથી પસંદગીના ફિલ્મી વ્યક્તિત્વ અને મોડેલોને નિશાન બનાવી રહ્યા છે. NCB અધિકારીઓની ભૂમિકા જાણવા માટે ખાસ ન્યાયિક તપાસ થવી જોઈએ. અરજીમાં કહેવામાં આવ્યું છે કે NCB ની તપાસ સુપ્રીમ કોર્ટના ન્યાયાધીશ દ્વારા કરવી જોઈએ જેથી સત્યતા જાણવા મળે.

19 October, 2021 06:35 PM IST | mumbai | Gujarati Mid-day Online Correspondent

અન્ય લેખો

મુંબઈ સમાચાર

દેશમુખ કેસ: EDએ મહારાષ્ટ્રના પૂર્વ મુખ્ય સચિવ સીતારામ કુંટેની છ કલાક પૂછપરછ કરે

સેન્ટ્રલ એજન્સીની ઓફિસમાંથી બહાર નીકળતી વખતે કુંટેએ પત્રકારોને જણાવ્યું હતું કે “ઇડીએ મને અનિલ દેશમુખના કેસ અંગે કેટલીક માહિતી મેળવવા માટે બોલાવ્યો હતો. તદનુસાર, મેં તેમને માહિતી આપી છે.”

07 December, 2021 09:02 IST | Mumbai | Gujarati Mid-day Online Correspondent
મુંબઈ સમાચાર

શિવસેના જોડાશે યુપીએમાં?

આજે સંજય રાઉત રાહુલ ગાંધીને તો આવતી કાલે પ્રિયંકા ગાંધીને દિલ્હીમાં મળવાના હોવાથી તર્કવિતર્ક: જાણકારો આને એનસીપીને કન્ટ્રોલમાં રાખવાની રાજરમતનો એક ભાગ માને છે

07 December, 2021 01:46 IST | Mumbai | Gujarati Mid-day Correspondent
મુંબઈ સમાચાર

પરમબીર સિંહને રાહત: તપાસ ચાલુ રાખે મહારાષ્ટ્ર પોલીસ, ચાર્જશીટ દાખલ ન કરે- SC

મહારાષ્ટ્ર સરકારે CBI તપાસનો વિરોધ કર્યો છે અને મહારાષ્ટ્ર્ રાજ્ય માટે ડૉરિયસ ખંબાટાએ કહ્યું કે અમે અમારો જવાબ નોંધાવ્યો છે. કેસની તપાસ સીબીઆઇ પાસેથી ન થવી જોઈએ.

06 December, 2021 06:02 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK