બાબુલ સુપ્રિયોએ ટ્રાફિકમાં ફસાતાં માણી રિક્ષાની સવારી
બાબુલ સપ્રિયો
મુંબઈ : (પી.ટી.આઇ.) કેન્દ્રીય પ્રધાન બાબુલ સુપ્રિયોએ મંગળવારે ટ્વિટર પર એક વિડિયો પોસ્ટ કર્યો છે, જેમાં તેની કાર મુંબઈના ટ્રાફિકમાં ફસાઈ જવાને કારણે તે મુંબઈમાં ઑટોરિક્ષાની સવારીની મોજ માણી રહ્યો હોવાનું જણાય છે. વિડિયો ક્લિપ ટ્વિટર પર પોસ્ટ કરી તેણે લખ્યું છે કે મારી કાર ટ્રાફિક જૅમમાં ફસાઈ જતાં મેં રિક્ષાની સવારી કરવાની તક ઝડપી લીધી છે.
ભૂતકાળની યાદ તાજી કરતાં બાબુલ સુપ્રિયોએ કહ્યું હતું કે મારા સંઘર્ષના દિવસોમાં મેં ઘણી વાર રિક્ષામાં પ્રવાસ કર્યો છે. એ દિવસો ખરેખર મને ઘણું સારું ફીલ કરાવે છે. બાબુલ સુપ્રિયોએ કહ્યું હતું કે હું મુંબઈમાં ૧૯૯૨માં પહેલી વાર રિક્ષામાં બેઠો હતો. આ સમયે મને કિશોરકુમારનું એક ગીત યાદ આવે છે, એમ કહી તેણે ટ્વિટર પરની ક્લિપમાં ‘મૈ હું ઘોડા યે હૈ ગાડી, મેરી રિક્ષા સબસે નિરાલી’ ગીત પણ ગાઈ સંભળાવ્યું હતું.
