Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > નાસતા ફરતા પ્રિન્સિપાલ અને ટીચર્સની આગોતરા જામીન માટે અરજી

નાસતા ફરતા પ્રિન્સિપાલ અને ટીચર્સની આગોતરા જામીન માટે અરજી

11 February, 2024 08:17 AM IST | Mumbai
Gujarati Mid-day Correspondent | feedbackgmd@mid-day.com

આ ઘટનાની જાણ અન્ય વાલીઓને થતાં તેમણે સોમવારે મોટી સંખ્યામાં સ્કૂલ સામે દેખાવો કર્યા હતા

પ્રતીકાત્મક તસવીર

પ્રતીકાત્મક તસવીર


કાંદિવલી-ઈસ્ટમાં ઈસ્ટ-વેસ્ટને જોડતા ફ્લાયઓવર પાસે આવેલી લિટલ કૅપ્ટન પ્રી-સ્કૂલમાં ગયા શુક્રવારે માત્ર ચાર વર્ષની બાળકી પર ત્યાં કામ કરતા વૉચમૅન-કમ-પ્યુને સેક્સ્યુઅલ અસૉલ્ટ કર્યો હતો. એ કેસમાં સોમવારે વાલીઓના ભારે દબાણ અને વિરોધ-પ્રદર્શન બાદ સમતાનગર પોલીસે પ્રિન્સિપાલ અને અન્ય બે શિક્ષકો સામે પણ ગુનો નોંધ્યો હતો. જોકે એ ત્રણેએ હવે ધરપકડથી બચવા આગોતરા જામીનની અરજી કરી છે. કાંદિવલી-ઈસ્ટની લિટલ કૅપ્ટન સ્કૂલમાં બનેલી એ હીચકારી ઘટનાના મુખ્ય આરોપી એવા વૉચમૅનને તો ઘટનાના બીજા જ દિવસે પોલીસે ઝડપી લીધો હતો. તેની કસ્ટડી પૂરી થતાં ફરી કોર્ટમાં હાજર કરાતાં કોર્ટે તેને જેલ-કસ્ટડીમાં મોકલી આપ્યો છે. ઘટનાના દિવસે તેણે અબુધ બાળકીને ચૉકલેટ આપવાની લાલચ આપી બાથરૂમમાં લઈ જઈ તેના પ્રાઇવેટ પાર્ટમાં આંગળીઓ ખોસી દીધી હતી.

આ ઘટનાની જાણ અન્ય વાલીઓને થતાં તેમણે સોમવારે મોટી સંખ્યામાં સ્કૂલ સામે દેખાવો કર્યા હતા. વાલીઓનું કહેવું હતું કે સ્કૂલનાં પ્રિન્સિપાલ અને અન્ય બે ટીચરને આ બાબતની જાણ થઈ ગઈ હતી અને તેમણે આરોપીને બાથરૂમમાં લૉક કરી દીધો હતો. બાળકીને પણ ફોસલાવીને આ ઘટનાની જાણ કોઈને ન કરવા કહ્યું હતું. આમ કરી તેમણે આ ઘટના છુપાવવાનો પ્રયાસ કર્યો હતો એથી તેમની સામે પણ ગુનો નોંધવામાં આવે. પોલીસે એ પછી સોમવારે મોડી રાતે પ્રિન્સિપાલ પ્રીતિ સેંગાર અને અન્ય બે ટીચરો સામે એ ગુનો છુપાવવાનો ગુનો નોંધ્યો હતો. સમતાનગર પોલીસનું કહેવું હતું કે ગુનો નોંધ્યા બાદ તેમણે આ ત્રણે આરોપીની શોધ ચલાવી હતી, પણ તે લોકો તેમના ઘરે મળી આવ્યાં નહોતાં. એટલું જ નહીં, તેમના મોબાઇલ ફોન પણ સ્વિચ્ડ-ઑફ આવતા હોવાથી તેમનું લોકેશન ટ્રેસ નહોતું થઈ રહ્યું. હવે એ ત્રણે આરોપીઓએ કોર્ટમાં આગોતરા જામીનની અરજી કરી છે અને એ અરજી પર મંગળવાર, ૧૩ ફેબ્રુઆરીએ સુનાવણી રાખવામાં આવી છે એમ બાળકીના પરિવારની નજીકની વ્યક્તિએ જણાવ્યું હતું.  


Whatsapp-channel Whatsapp-channel

11 February, 2024 08:17 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK