° °

આજનું ઇ-પેપર
Wednesday, 14 April, 2021

ડ્રાઇવરે ચાલતી કારે દરવાજો ખોલતાં બાઇકર ઈજાગ્રસ્ત

15 November, 2019 12:16 PM IST | | Anurag Kamble

ડ્રાઇવરે ચાલતી કારે દરવાજો ખોલતાં બાઇકર ઈજાગ્રસ્ત

ઇજાગ્રસ્ત બિલાલ શેખ અને અકસ્માત સર્જનાર કાર (તસવીરઃ આશિષ રાજે)

ઇજાગ્રસ્ત બિલાલ શેખ અને અકસ્માત સર્જનાર કાર (તસવીરઃ આશિષ રાજે)

૧૧ નવેમ્બરે રાતે ૧૦.૩૦ વાગ્યે ૨૭ વર્ષનો બિલાલ શેખ જસલોક હૉસ્પિટલમાં તેના બીમાર પિતાને મળવા માટે જઈ રહ્યો હતો ત્યારે સર્જાયેલા વિચિત્ર અકસ્માતને લીધે શેખને ઈજા થવાની સાથોસાથ આઘાત પણ લાગ્યો હતો.

તાડદેવ પોલીસે દક્ષિણ મુંબઈના ૨૦ વર્ષના યુવક વિરુદ્ધ ગુનો નોંધ્યો હતો. આ યુવકે હીરા-પન્ના ખાતે તેની કારનો દરવાજો ખોલતાં બરાબર એ જ સમયે ત્યાંથી બુલેટ પર પસાર થઈ રહેલો ૨૭ વર્ષનો બિલાલ શેખ બુલેટ પરથી પડી ગયો હતો. આ અકસ્માતમાં કૉલરબોનમાં ફ્રૅક્ચર આવ્યું હતું અને કાન નજીક ટાંકા લેવા પડ્યા હતા.

car-number

જોકે આરોપી તેના ઘરેથી ભાગી છૂટતાં પોલીસ હજી સુધી તેની ધરપકડ કરી શકી નથી.

બિલાલ શેખ નાગપાડાના બેલાસિસ માર્ગ ખાતે રહે છે. એક મીઠાઈની કંપની માટે માર્કેટિંગનું કામ કરતો બિલાલ ઑફિસમાં કામ કર્યા બાદ દરરોજ રાતે હૉસ્પિટલમાં ઍડ્મિટ પિતા પાસે રાત રોકાતો હતો. ૧૧ નવેમ્બરે રાતે ૧૦.૩૦ વાગ્યે જ્યારે તે બાઇક પર હૉસ્પિટલ જતો હતો ત્યારે હીરા-પન્ના માર્કેટ પાસેથી પસાર થતાં નજીકમાંથી પસાર થઈ રહેલી હૉન્ડા સિટી કારના ડ્રાઇવરે અચાનક દરવાજો ખોલ્યો હતો.

‘ઘટના એટલી ઝડપથી બની હતી કે હું મારી બાઇકને કન્ટ્રોલ ન કરી શક્યો. હું માર્ગ પર પડી ગયો. સદ્ભાગ્યે મારી પાછળ બીજું કોઈ વાહન નહોતું. ૧૦-૧૫ મિનિટ સુધી તો હું એ જ ન સમજી શક્યો કે મારી સાથે શું થયું,’ એમ ભારે પીડાનો અનુભવ કરી રહેલા બિલાલે જણાવ્યું હતું.

તાડદેવના સિનિયર ઇન્સ્પેક્ટર ફિરોઝ બાગવાને જણાવ્યું કે ફરિયાદ અનુસાર અમે આરોપી વિરુદ્ધ ગુનો નોંધ્યો છે. તેની વિરુદ્ધ આઇપીસીની કલમ ૨૭૯, ૩૩૮ અને મોટર વેહિકલ ઍક્ટ ૧૯૮૮ની વિવિધ કલમો લગાવવામાં આવી છે.
સૂત્રોએ જણાવ્યા અનુસાર પ્રશાંત બિલ્ડિંગનો રહેવાસી દર્શિલ શાહ ઘરેથી નાસી છૂટ્યો છે. પોલીસની ટીમ તેના ઘરે ગઈ હતી, પરંતુ તે ઘરમાં હાજર નહોતો.

15 November, 2019 12:16 PM IST | | Anurag Kamble

અન્ય લેખો

મુંબઈ સમાચાર

મહારાષ્ટ્ર CM: 15 દિવસ માટે રાજ્યમાં 144ની કલમ લાગુ કરાઇ

બ્રેક ધ ચેઇન અભિયાનની શરૂઆત મહારાષ્ટ્રમાં આવતીકાલે રાતે આઠ વાગ્યાથી થશે. આવતી કાલથી એટલે કે બુધવારે રાત્રે, જરૂરી સેવાઓ સિવાય બધું બંધ રહેશે. રાજ્યમાં આગામી 15 દિવસ માટે કલમ 144 લાગુ કરવામાં આવી છે

13 April, 2021 09:53 IST | Mumbai | Gujarati Mid-day Online Correspondent
મુંબઈ સમાચાર

Chaitra Navratri 2021: આજે નવરાત્રિ અને ગુડી પાડવાના દિવસે કરો આ કામ

માતા શક્તિની ઉપાસનાનો તહેવાર મંગળવાર એટલેકે આજથી શરૂ થઈ રહ્યો છે. આ મહાપર્વને લઈને મંદિરોમાં ઉત્તેજનાનું વાતાવરણ સર્જાયું છે. ઘર-ઘરમાં ચૈત્ર નવરાત્રીના પહેલા દિવસે કળશ સ્થાપનાની તૈયારીઓ પણ ચાલી રહી છે.

13 April, 2021 01:40 IST | Mumbai | Gujarati Mid-day Online Correspondent
મુંબઈ સમાચાર

લૉકડાઉનના ભય વચ્ચે ખરીદી માટે થઈ પડાપડી

કરિયાણું, શાકભાજી અતિઆવશ્યક સેવામાં હોવા છતાં વીક-એન્ડ લૉકડાઉન સોમવારે પૂરું થતાં જ લોકો સંપૂર્ણ સેકન્ડ લૉકડાઉનના ડરે ઘરમાં જોઈતી વસ્તુઓનો સ્ટૉક કરવા નીકળી પડ્યા

13 April, 2021 02:04 IST | Mumbai | Priti Khuman Thakur

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK