બ્રિટનમાં બેરોજગારોની સંખ્યા ૩૦ લાખ પર પહોંચવાની શક્યતા
છેલ્લાં ૧૪ વર્ષોમાં બેરોજગારીનો આ સૌથી ઊંચો આંક છે. વડા પ્રધાન ડેવિડ કૅમેરનની આગેવાની હેઠળની સરકાર અત્યારે સરકારી નોકરીઓમાં છટણી કરી રહી છે અને ખાનગી ક્ષેત્રની રોજગારી આપવાની ક્ષમતા પણ ઘટી છે એને કારણે ૧૯૯૦ બાદ ૨૦૧૨નું વર્ષ સૌથી નબળું બની રહેશે. બ્રિટનમાં હાલમાં મોંઘવારીનો આંક ૪.૮ ટકા છે, પણ ટૂંક સમયમાં એ વધીને ૫.૩ ટકા થવાનું અનુમાન છે.