Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ઈન્ટરનેશનલ સમાચાર > આર્ટિકલ્સ > અવકાશમાં અમેરિકાએ કયું સીક્રેટ મિશન પાર પાડ્યું?

અવકાશમાં અમેરિકાએ કયું સીક્રેટ મિશન પાર પાડ્યું?

23 November, 2022 11:35 AM IST | Washington
Gujarati Mid-day Correspondent | feedbackgmd@mid-day.com

અમેરિકન આર્મ્ડ ફોર્સિસની સ્પેસ સર્વિસ બ્રાન્ચ દ્વારા ઑપરેટ કરાતું રહસ્યમય સ્પેસક્રાફ્ટ ૯૦૮ દિવસે પાછું ફર્યું

અમેરિકાનું એક રહસ્યમય સ્પેસક્રાફ્ટ

અમેરિકાનું એક રહસ્યમય સ્પેસક્રાફ્ટ


વૉશિંગ્ટનઃ અમેરિકાનું એક રહસ્યમય સ્પેસક્રાફ્ટ ૯૦૮ દિવસ સુધી પૃથ્વીની ભ્રમણકક્ષામાં રહીને પૃથ્વી પર પાછું ફર્યું છે. આ સ્પેસક્રાફ્ટ યુનાઇટેડ સ્ટેટ્સ સ્પેસ ફોર્સ દ્વારા ઑપરેટ કરવામાં આવી રહ્યું છે. જોકે સૌથી મોટો સવાલ એ છે કે અવકાશમાં આ યાન આખરે શું કરી રહ્યું હતું? યુનાઇટેડ સ્ટેટ્સ સ્પેસ ફોર્સ એ અમેરિકન આર્મ્ડ ફોર્સિસની સ્પેસ સર્વિસ બ્રાન્ચ છે.

૧૨મી નવેમ્બરે સ્થાનિક સમય અનુસાર સવારે સાડાપાંચ વાગ્યે સ્પેસક્રાફ્ટ એક્સ-37બી નાસાના કૅનેડી સ્પેસ સ્ટેશન પર લૅન્ડ થયું હતું, જેમાં કોઈ અવકાશયાત્રી નહોતો. ૨૦૧૦માં આ સ્પેસક્રાફ્ટે પહેલી વખત ઉડાન ભરી હતી. આ એનું છઠ્ઠું મિશન હતું, જે અત્યાર સુધી સૌથી વધુ સમયગાળાનું રહ્યું.



આ વિક્રમજનક સ્પેસક્રાફ્ટ વિશે વધારે જાણકારી જાહેર કરાઈ નથી. જોકે અધિકારીઓએ દાવો કર્યો હતો કે એ પૃથ્વીથી લગભગ ૪૦૦ કિલોમીટરની ઊંચાઈએ અનેક સાયન્ટિફિક પ્રયોગો કરી રહ્યું હતું. અમેરિકન સેના દ્વારા ઉપયોગ પહેલાં એક્સ-37બીને બોઇંગ કંપનીએ નાસા માટે તૈયાર કર્યું હતું.


એક્સ-37બી પ્રોગ્રામના ડિરેક્ટર લેફ્ટનન્ટ કર્નલ જોસેફ ફ્રિસ્શએને એક સ્ટેટમેન્ટમાં જણાવ્યું હતું કે આ સ્પેસક્રાફ્ટ પ્રયોગની મર્યાદાઓને આગળ વધારી રહ્યું છે. ભ્રમણકક્ષામાં એમાં કેટલાક પ્રયોગો કરવામાં આવી રહ્યા છે અને એને જમીન પર ઍનૅલિસિસ માટે સુરક્ષિત પાછું લાવવામાં આવ્યું છે. એટલે એ સ્પેસક્રાફ્ટ ઍરફોર્સ અને સાયન્ટિફિક કમ્યુનિટી બન્ને માટે મૂલ્યવાન પુરવાર થયું છે.

આ સ્પેસક્રાફ્ટમાં નેવલ રિસર્ચ લૅબોરેટરીને સંબંધિત પણ ટેસ્ટિંગ કરવામાં આવ્યું હતું. સાથે જ અમેરિકન ઍરફોર્સ દ્વારા ડિઝાઇન કરવામાં આવેલા અને ઇલેક્ટ્રોમૅગ્નેટિક એનર્જીથી સંચાલિત એક ટ્રેનિંગ સૅટેલાઇટને પણ ભ્રમણકક્ષામાં તહેનાત કરાયો હતો. એ સિવાય અમેરિકન આર્મ્ડ ફોર્સિસ માટે કેવા પ્રકારના એક્સપરિમેન્ટ્સ કરવામાં આવ્યા હતા એના વિશે કોઈ માહિતી આપવામાં આવી નથી. વ્યાપકપણે માનવામાં આવી રહ્યું છે કે આ મિશન બાબત અમેરિકન એજન્સીઓ ઘણું છુપાવી રહી છે.


Whatsapp-channel Whatsapp-channel

23 November, 2022 11:35 AM IST | Washington | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK