° °

આજનું ઇ-પેપર
Tuesday, 09 August, 2022


US : ટ્રકની અંદરથી મળ્યાં ૪૬ મૃતદેહ, માનવ દાણચોરીની શંકા

28 June, 2022 12:55 PM IST | San Antonio
Gujarati Mid-day Online Correspondent | gmddigital@mid-day.com

ટ્રકનો ડ્રાઇવર ફરાર, આ મામલે પોલીસ તપાસ ચાલુ

પ્રતીકાત્મક તસવીર (તસવીર સૌજન્ય : આઇસ્ટૉક)

પ્રતીકાત્મક તસવીર (તસવીર સૌજન્ય : આઇસ્ટૉક)

અમેરિકાના ટેક્સાસમાં એક ટ્રકમાંથી ૪૬ પ્રવાસીઓના મૃતદેહ મળી આવતા હાહાકાર મચ્યો છે. ટેક્સાસના સાન એન્ટોનિયો શહેરમાંથી સોમવારે આ મૃતદેહ મળી આવ્યાં હતાં. સેન એન્ટોનિયો શહેર ટેક્સાસ-મેક્સિકો બોર્ડરથી લગભગ ૨૫૦ કિમી દૂર છે.૧૮ પૈડાવાળા ટ્રકમાં ૧૦૦ લોકોને દબાવીદવાની ભરવામાં આવ્યા હતા. તેમને ગેરકાયદે સરહદ પાર કરાવવામાં આવતી હોવાનું કહેવાય છે. એટલે આ મામલે માનવ દાણચોરીની શંકા ઉદ્ભવી છે.

ટ્રકમાંથી ૪૬ પ્રવાસીઓના મૃતદેહ મળ્યાં છે. તેમજ ચાર બાળકો સહિત ૧૬ લોકોને હૉસ્પિટલમાં દાખલ કરવામાં આવ્યા છે. પરંતુ તેમના મૃત્યુનું કારણ હજી અસ્પષ્ટ છે. પોલીસની આશંકા છે, બંધ કન્ટેનરમાં ગૂંગળામણને કારણે પ્રવાસીઓનું મૃત્યુ થયું છે. કારણકે પોલીસ જ્યારે ઘટનાસ્થળે પહોંચી હતી ત્યારે તે લોકોના શરીર ગરમ હતા. એવું મનાય રહ્યું છે કે, અતિશય ગરમીના કારણે ટ્રકના કન્ટેનરનું તાપમાન વધી ગયું હશે અને તેને કારણે લોકો હીટ સ્ટ્રોકનો શિકાર બન્યા હશે. ફાયર સર્વિસ અધિકારીએ આપેલી માહિતી મુજબ, ટ્રક કન્ટેનરનો દરવાજો અડધો ખુલ્લો હતો. તેમાં વેન્ટિલેશન માટેની કોઈ વ્યવસ્થા ન હતી અને કન્ટેનરમાં પાણીની સુવિધા પણ ન હતી.

ટેક્સાસના ગવર્નર ગ્રેગ એબોટે આ દુર્ઘટના માટે અમેરિકાના રાષ્ટ્રપતિ જો બાઈડનને જવાબદાર ઠેરવ્યા છે. તેમણે કહ્યું હતું કે, ‘આ મોત ઘાતક ખુલ્લી સરહદની નીતિના કારણે થયાં છે’.

સામાન્ય રીતે સેન એન્ટોનિયો શહેરમાં ઉનાળામાં તાપમાન નોંધપાત્ર રીતે વધી જાય છે. સોમવારે અહીંનું તાપમાન ૩૯.૪ ડીગ્રી સેલ્સિયસ હતું.

મેક્સિકોના વિદેશ પ્રધાન માર્સેલો એબ્રાર્ડે કહ્યું હતું કે, ‘પીડિતોની નાગરિકતા અંગે હજુ સુધી કોઈ માહિતી નથી. દૂતાવાસના અધિકારીઓ તેમની ઓળખ માટે ઘટનાસ્થળ પર પહોંચી રહ્યા છે.’

ટ્રક ડ્રાઇવર ફરાર થઈ ગયો છે. તેમજ આ મામલે ત્રણ લોકોને કસ્ટડીમાં લેવાયા છે.

28 June, 2022 12:55 PM IST | San Antonio | Gujarati Mid-day Online Correspondent

અન્ય લેખો

ઈન્ટરનેશનલ સમાચાર

આ કંપનીને જોઈએ છે સૌથી વધારે ઊંઘ લેનાર કર્મચારી, સાથે મળશે આ ખાસ સુવિધાઓ

કંપનીની જૉબ પોસ્ટિંગ પ્રમાણે, સારા ઉમેદવાર પાસે `અસામાન્ય ઊંઘની ક્ષમતા, જેટલું શક્ય હોય તેટલી ઊંઘ લેવાની ઇચ્છા અને કોઈપણ માધ્યમ દ્વારા ઊંઘવાની ક્ષમતા` હોવી જોઈએ. 

09 August, 2022 03:10 IST | Mumbai | Gujarati Mid-day Online Correspondent
ઈન્ટરનેશનલ સમાચાર

FBIએ ટ્રમ્પના માર-એ-લાગો ફ્લોરિડાવાળા નિવાસસ્થાને પાડ્યો દરોડા, તિજોરી તોડી

આ આપણા દેશ માટે ખરાબ સમય છે કારણકે ફ્લોરિડાના પામ બીચમાં માર-એ-લાગોના મારા સુંદર ઘરે એફબીઆઇ એજન્ટના એક મોટા સમૂહે ઘેરાબંધી કરી, દરોડા પાડ્યા અને તેને તાબે લીધો છે.

09 August, 2022 02:21 IST | Mumbai | Gujarati Mid-day Online Correspondent
ઈન્ટરનેશનલ સમાચાર

પેટ્રોલ અને ડીઝલના ભાવવધારાને લઈને બંગલાદેશીઓ ભડક્યા

બંગલાદેશ સ્વતંત્ર થયા બાદ ફ્યુઅલના ભાવમાં થયેલો આ સૌથી મોટો વધારો છે

09 August, 2022 09:48 IST | Dhaka | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK