° °

આજનું ઇ-પેપર
Saturday, 28 January, 2023


ગુજરાતમાં બીજેપીએ ડબલ હૅટ-ટ્રિક સાથે રેકૉર્ડબ્રેક જીત મેળવી

09 December, 2022 08:39 AM IST | Ahmedabad
Shailesh Nayak | shailesh.nayak@mid-day.com

વિધાનસભાની ચૂંટણીમાં કોરોના, બેરોજગારી, મોંઘવારી, પેપરકાંડ સહિતનાં ફૅક્ટર ન ચાલ્યાં અને વિકાસના મુદ્દે મતદારોએ બીજેપીમાં મૂક્યો ભરોસો

પ્રતીકાત્મક તસવીર Gujarat Election Result

પ્રતીકાત્મક તસવીર

ગુજરાત વિધાનસભાની ચૂંટણીમાં બીજેપીએ ડબલ હૅટ-​ટ્રિક સાથે રેકૉર્ડબ્રેક જીત મેળવી છે. ગુજરાત વિધાનસભાની કુલ ૧૮૨ બેઠકમાંથી બીજેપીને ૧૫૬ બેઠક પર જીત મળી છે. વિધાનસભાની આ ચૂંટણીમાં ત્રિપાંખિયા ચૂંટણીજંગનો લાભ બીજેપીને મળ્યો છે અને અધધધ બેઠકો મેળવી ગઈ છે, જ્યારે કૉન્ગ્રેસનાં સૂપડાં સાફ થવાની સાથે એ હાંસિયામાં ધકેલાઈ ગઈ છે અને આમ આદમી પાર્ટીએ ગુજરાત વિધાનસભામાં બેઠકોનું ખાતું ખોલાવ્યું છે.

ગુજરાત વિધાનસભાની ચૂંટણી પહેલાં ગયાં પાંચ વર્ષ દરમ્યાન ગુજરાતમાં ઘણા મુદ્દે વિરોધ ઊઠ્યો હતો અને કોરોનાનો કપરો કાળ પણ આવ્યો હતો, ઘણી તકલીફો નાગરિકોએ વેઠવી પડી હતી અને સરકારે વિરોધનો સામનો કરવો પડ્યો હતો. પેટ્રોલ-ડીઝલના વધતા ભાવો અને મોંઘવારીનો સામનો પણ ગુજરાતની જનતા કરી રહી હતી, પરંતુ વિધાનસભાની ચૂંટણીમાં કોરોના, બેરોજગારી, મોંઘવારી, પેપરકાંડ સહિતનાં ફૅક્ટર ચાલ્યાં નહીં અને વિકાસના મુદ્દે મતદારોએ બીજેપીમાં ભરોસો મૂકીને ફરી એક વાર બીજેપીને સત્તાનું સુકાન સોંપ્યું છે. ઉલ્લેખનીય બાબત એ રહી કે આ વખતની ચૂંટણીમાં આદિવાસી પટ્ટા અને સૌરાષ્ટ્રમાં કૉન્ગ્રેસની કમિટેડ વોટ-બૅન્કમાં ગાબડાં પાડીને મતો પોતાની તરફ લઈ જવામાં બીજેપીની રણનીતિ સફળ રહી છે. આદિવાસી પટ્ટાના અને સૌરાષ્ટ્રના મતદારોએ બીજેપીમાં વિશ્વાસ મૂકીને ખોબલે-ખોબલે મતો આપ્યા છે.

બીજેપીએ ગુજરાતમાં ૧૯૯૮થી એક પણ વિધાનસભાની ચૂંટણીમાં જનાદેશ ગુમાવ્યો નથી. ૧૯૯૮, ૨૦૦૨, ૨૦૦૭, ૨૦૧૨, ૨૦૧૭માં યોજાયેલી વિધાનસભાની ચૂંટણીમાં બીજેપીએ સતત વિજય મેળવ્યો હતો અને આ વખતે ૨૦૨૨માં બીજેપીએ રેકૉર્ડબ્રેક વિજય મેળવીને સતત છઠ્ઠી વાર વિધાનસભાની ચૂટણીમાં વિજય મેળવીને વિજયની ડબલ હૅટ-ટ્રિક કરી છે.

આ વખતની ચૂંટણીમાં કોરોના, મોંઘવારી, બેરોજગારી સહિતના મુદ્દાઓ હોવા છતાં કૉન્ગ્રેસ મતદારોને મતદાનમથક સુધી લઈ જવામાં નિષ્ફળ રહી છે. એટલું જ નહીં, આમ આદમી પાર્ટીએ પણ મફતની રાજનીતિ કરીને ગુજરાતના મતદારોને લલચાવવાની કોશિશ કરી, પરંતુ ગુજરાતના મતદારે આ મફતની રાજનીતિમાં વિશ્વાસ મૂક્યો નહીં.

09 December, 2022 08:39 AM IST | Ahmedabad | Shailesh Nayak

અન્ય લેખો

ગુજરાત સમાચાર

અમદાવાદમાં દિવ્યાંગ વ્યક્તિ બસમાં કરી શકશે ફ્રી પ્રવાસ

મ્યુનિસિપલ ટ્રાન્સપોર્ટ સર્વિસે પ્રજાસત્તાક દિનની પૂર્વસંધ્યાએ સિનિયર સિટિઝન્સ માટે ફ્રી બસ સર્વિસ ૭૫ને બદલે ૬૫ વર્ષ કરી 

26 January, 2023 01:12 IST | Ahmedabad | Shailesh Nayak
ગુજરાત સમાચાર

સ્મૃતિવન બન્યું હૉટ ડેસ્ટિનેશન

લોકાર્પણ કર્યાના ટૂંકા ગાળામાં ૨ લાખ ૮૦ હજાર લોકોએ ભુજના ભુજિયા ડુંગર પર બનેલા સ્મૃતિવનની લીધી મુલાકાત ઃ ૨૦૦૧ની ૨૬ જાન્યુઆરીએ આવેલા ભૂકંપમાં ભોગ બનેલા નાગરિકોની સ્મૃતિમાં બનાવાયું છે સ્મૃતિવન

25 January, 2023 11:28 IST | Ahmedabad | Gujarati Mid-day Correspondent
ગુજરાત સમાચાર

ગુજરાતમાં લોકસભાની તમામ ૨૬ બેઠક જીતીને હૅટ-ટ્રિક કરવાનું બીજેપીનું લક્ષ્ય

વિરોધીઓની ડિપોઝિટ ડૂલ થાય એ રીતે લોકસભાની ચૂંટણી જીતવાનો ટાર્ગેટ રખાયો સુરેન્દ્રનગરમાં બીજેપીની કાwરોબારીમાં

25 January, 2023 10:35 IST | Ahmedabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK