° °

આજનું ઇ-પેપર
Tuesday, 06 December, 2022


રાહુલ ગાંધીએ બતાવ્યો આદિવાસી અને બીજેપીના વનવાસી વચ્ચેનો ફરક

22 November, 2022 08:53 AM IST | Ahmedabad
Gujarati Mid-day Correspondent | feedbackgmd@mid-day.com

કૉન્ગ્રેસ નેતાએ કેન્દ્ર સરકારને મોંઘવારી, બેરોજગારી, ખેડૂતો અને આદિવાસીઓના મુદ્દે ઘેરી

સુરત નજીકના મહુવામાં આયોજિત રૅલીમાં કૉન્ગ્રેસ નેતા રાહુલ ગાંધી Gujarat Election

સુરત નજીકના મહુવામાં આયોજિત રૅલીમાં કૉન્ગ્રેસ નેતા રાહુલ ગાંધી

ગુજરાત વિધાનસભાની ચૂંટણીમાં ગઈ કાલે કૉન્ગ્રેસના ભૂતપૂર્વ પ્રેસિડેન્ટ રાહુલ ગાંધીએ ગુજરાતના આદિવાસી બેલ્ટમાંથી પ્રચારના શ્રીગણેશ કરતાં બીજેપી સરકારને મોંઘવારી, બેરોજગારી, ખેડૂતો અને આદિવાસીઓના મુદ્દે ઘેરી હતી. એટલું જ નહીં, મોરબી દુર્ઘટનાના મુદ્દે બીજેપી સરકાર સામે પ્રશ્નો ઉઠાવતાં કહ્યું હતું કે ‘જેઓએ આ કામ કર્યું એની સામે કોઈ કાર્યવાહી કેમ નહીં? કોઈ એફઆઇઆર કેમ નહીં?’ રાહુલ ગાંધીએ ગઈ કાલે પહેલાં સુરત જિલ્લાના મહુવા પાસે પાંચ કાકડા અને ત્યાર બાદ રાજકોટમાં ચૂંટણીસભાને સંબોધી હતી. રાહુલ ગાંધીએ કહ્યું હતું કે બીજેપી પર આક્ષેપ કરતાં કહ્યું હતું કે ‘બીજેપીના લોકો તમને આદિવાસી નથી કહેતા, વનવાસી કહે છે. તેઓ કહે છે કે તમે જંગલમાં રહો. ફરક સમજમાં આવ્યોને? મતલબ તેઓ નથી ઇચ્છતા કે તમે શહેરમાં રહો. તમારાં બાળકો એનન્જિનિયર–ડૉક્ટર બને, હવાઈ જહાજ ઉડાડતાં શીખે, અંગ્રેજી બોલે એવું નથી ઇચ્છતા. તેઓ ઇચ્છે છે કે તમે જંગલમાં જ રહો. તેઓ ત્યાં નથી રોકાતા. તેઓ તમારાથી જંગલ છીનવવાનું કામ કરી દે છે. સાચી વાત છેને? તેમનું કામ ચાલતું ગયું તો પાંચ-સાત વર્ષ પછી આખેઆખું જંગલ તેમના બે-ત્રણ ઉદ્યોગપતિ મિત્રોના હાથમાં હશે અને તમારે માટે રહેવાની જગ્યા નહીં હોય. તમારી શિક્ષા નહીં હોય, સ્વાસ્થ્ય નહીં મળે, રોજગારી નહીં મળે. આદિવાસી શબ્દ મતલબ આ દેશ આપનો હતો અને તમને તમારો હક મળવો જોઈએ, તમને રોજગાર મળવો જોઈએ, સ્વાસ્થ્ય–શિક્ષા મળવી જોઈએ. તમે વનવાસી નથી, આદિવાસી છો અને આ દેશ તમારો છે, હતો અને રહેશે.’

રાહુલ ગાંધીએ એન્વાયર્નમેન્ટનો મુદ્દો ઉઠાવતાં કહ્યું કે ‘આજકાલ દુનિયામાં લોકો એન્વાયર્નમેન્ટની વાત કરે છે. કૉન્ફરન્સ થાય છે. નેતાઓ મળે છે, એન્વાયર્નમેન્ટ માટે વાતો થાય છે. એન્વાયર્નમેન્ટની બાબતે આદિવાસી ભાઈઓને બધા નેતાઓ કરતાં વધુ જાણકારી છે. તેમને શીખવી શકે છે. સરકારનું કામ, નેતાઓનું કામ તમારો અવાજ સાંભળવાનું છે.’

રાહુલ ગાંધીની સભામાં પહેલી વાર એવું બન્યું કે રાહુલ ગાંધી હિન્દીમાં બોલતા હતા અને તેમનું ગુજરાતીમાં ટ્રાન્સલેશન ગુજરાત કૉન્ગ્રેસના નેતા ભરતસિંહ સોલંકી કરતા હતા. જોકે સભામાં ઉપસ્થિત લોકોએ કહ્યું હતું કે તમે હિન્દીમાં બોલો, અમને સમજાય છે.

22 November, 2022 08:53 AM IST | Ahmedabad | Gujarati Mid-day Correspondent

અન્ય લેખો

ગુજરાત સમાચાર

મોંઘવારીની ઝાળ ગુજરાતના મતદાનને લાગી?

મહેસાણા જિલ્લામાં ખેરાલુ તાલુકાનાં ત્રણ ગામોએ મતદાનનો બહિષ્કાર કર્યો : દાહોદના ફતેપુરા અને ગાંધીનગર જિલ્લાના કલોલમાં બે જૂથ વચ્ચે ઝપાઝપી

06 December, 2022 09:37 IST | Ahmedabad | Shailesh Nayak
ગુજરાત સમાચાર

નરેન્દ્ર મોદીએ કર્યું આમ આદમીની જેમ મતદાન

અમદાવાદના રાણીપ વિસ્તારમાં આવેલી નિશાન સ્કૂલમાં મતદાનમથકમાં મતદાન કરવા માટે અન્ય મતદારોની સાથે લાઇનમાં ઊભા રહ્યા નરેન્દ્ર મોદી : મતદાન કર્યા બાદ ચાલતાં-ચાલતાં ભાઈના ઘરે ગયા : મોદીની ઝલક મેળવવા રાણીપમાં કાર્યકરો અને નાગરિકો ઊમટ્યા

06 December, 2022 09:31 IST | Ahmedabad | Gujarati Mid-day Correspondent
ગુજરાત સમાચાર

સદી વટાવનાર લાકડીના ટેકે, ૯૦ ‍વર્ષના વડીલ વ્હીલચૅરમાં બેસીને મતદાન કરવા આવ્યા

ગુજરાતમાં મતદાન માટે શતાયુ મતદારોનો પણ ઉત્સાહ અકબંધ : શહેરી અને ગ્રામ્ય વિસ્તારોમાં ૮૦ અને ૧૦૦ વર્ષ કે એથી વધુ વર્ષના વરિષ્ઠ મતદારોએ કર્યું મતદાન 

06 December, 2022 09:25 IST | Ahmedabad | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK