ગુજરાત વિધાનસભાની ચૂંટણીના પ્રથમ તબક્કાની ચૂંટણીમાં સિનિયર સિટિઝન વોટર્સે રંગ રાખ્યો અને બીજા મતદાતાઓને પ્રોત્સાહિત કર્યા
કચ્છના માધાપરનાં દેવબાઈ માધાપરિયા
ગુજરાત વિધાનસભાની ચૂંટણીના પ્રથમ તબક્કાની ચૂંટણી માટે ગઈ કાલે યોજાયેલા મતદાનમાં સિનિયર સિટિઝન વોટર્સે રંગ રાખ્યો હતો. કોઈક વૃદ્ધ તેમની જાતે તો કોઈક તેમના ફૅમિલી સભ્યની સાથે મતદાન મથક સુધી પહોંચ્યા હતા.
કચ્છના માધાપરમાં રહેતાં ૯૬ વર્ષનાં દેવબાઈ માધાપરિયા પણ મતદાન કરીને બીજા મતદારો માટે ઉદાહરણરૂપ બન્યાં હતાં. મતદાન મથકમાં મતદાન કરીને બહાર આવેલાં દેવબાઈ માધાપરિયાએ કહ્યું હતું કે હું પ્રથમ ચૂંટણીથી હંમેશાં મતદાન કરતી આવી છું. આજદિન સુધી હું મતદાન કરવાનું ચૂકી નથી. અત્યારે ઉંમરના કારણે ચાલી નથી શકાતું, પણ પરિવારની મદદથી વ્હીલ-ચૅરમાં બેસીને મતદાન કરવા આવી છું. હું યુવા મતદારોને અપીલ કરુ છું કે પોતાનો મત આપીને ચૂંટણીમાં સિક્રય ભાગીદારી નોંધાવો.
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)