° °

આજનું ઇ-પેપર
Sunday, 22 May, 2022


દેવી દેવતાઓના ચિત્રના વિવાદ મામલે MS યુનિવર્સિટીના 31 વિદ્યાર્થી સામે નોંધાયો ગુનો

09 May, 2022 12:09 PM IST | Mumbai
Gujarati Mid-day Online Correspondent | gmddigital@mid-day.com

એમ.એસ.યુનિવર્સિટીની ફાઇન આર્ટસ ફેકલ્ટીમાં હિન્દુ દેવી-દેવતાઓના ચિત્રો મામલે વિવાદ થયો હતો. જે મામલે  ABVPના કાર્યકરો અને વિદ્યાર્થીઓ-વિદ્યાર્થિનીઓએ વિરોધ પ્રદર્શન પર ઉતરી આવ્યા હતાં.  

એમ.એસ.યુનિવર્સિટી

એમ.એસ.યુનિવર્સિટી

 

વડોદરા: એમ.એસ.યુનિવર્સિટીની ફાઇન આર્ટસ ફેકલ્ટીમાં હિન્દુ દેવી-દેવતાઓના ચિત્રો મામલે વિવાદ થયો હતો. જે મામલે  ABVPના કાર્યકરો અને વિદ્યાર્થીઓ-વિદ્યાર્થિનીઓએ વિરોધ પ્રદર્શન પર ઉતરી આવ્યા હતાં.  

વિરોધ પ્રદર્શનને લઈ 31 વિદ્યાર્થી અને વિદ્યાર્થીનીઓ સામે સયાજીગંજ પોલીસ સ્ટેશનમાં ગુનો નોંધાયો છે. તો બીજી તરફ ત્રણ દિવસ પહેલા એમ.એસ.યુનિવર્સિટી ખાતે ચિત્રો અંગે વિવાદ થતાં ફાઇન આર્ટસ ફેકલ્ટી ખાતે પોલીસકર્મીને બે-ત્રણ લાફા ઝીંકી દીધા હતા, તે શખ્સ સામેપણ ફરિયાદ દાખલ કરવામાં આવી છે.

MS યુનિવર્સિટીની ફાઇન આર્ટ્સ ફેકલ્ટી ખાતે ત્રણ દિવસ પહેલાં એન્યુઅલ કાર્યક્રમ દરમિયાન સ્કલ્પચર વિભાગમાં અભ્યાસ કરતા કુંદન યાદવ નામના વિદ્યાર્થીએ તેના આર્ટવર્ક મૂક્યા હતા, જેમાં હિન્દુ દેવી-દેવતાઓના ચિત્રો અખબારોના પાનાઓમાંથી કટિંગ કરીને બનાવવામાં આવ્યા હતા. આ ચિત્રોમાં અખબારના પાનાઓ હતા. 

મુખ્ય વાત એ છે કે આ પાનામાં વડોદરાના દુષ્કર્મ કેસ સહિતના દુષ્કર્મના સમાચારોના પેપર  ઉપયોગ કરવામાં આવ્યો હતો. આ સાથે અશોક ચક્રનું પણ અપમાન થતું હોવાનું જોવા મળ્યું હતું. જે જોઈને હિન્દુ સંગઠનો સહિતના લોકોની લાગણી દુભાઇ હતી. ત્યાર બાદ ફેકલ્ટી ઓફ ફાઇન આર્ટ્સ ખાતે આર્ટ શો બંધ કરાવી દેવામાં આવ્યો હતો. 

આ મુદ્દો આટલે જ અટક્યો હતો, અને ફેકલ્ટીના ડીનને પદેથી હટાવવા અને આર્ટ વર્ક બનાવનાર વિદ્યાર્થીને રસ્ટિકેટ કરવાની માગ સાથે ત્યાં આંતરિક જુથોમાં ઘર્ષણ સર્જાયું હતું.

09 May, 2022 12:09 PM IST | Mumbai | Gujarati Mid-day Online Correspondent

અન્ય લેખો

ગુજરાત સમાચાર

Gujarat: કેમિકલ ભરેલી ટ્રક અને કાર વચ્ચે અથડામણને કારણે ભીષણ આગ, છનાં મોત

સ્થળ પર હાજર કેટલાક લોકોએ જણાવ્યું કે બે ટ્રક સામસામે અથડાઈ અને એક કાર પણ તેમની અડફેટે આવી ગઈ

21 May, 2022 06:29 IST | Gandhinagar | Gujarati Mid-day Online Correspondent
ગુજરાત સમાચાર

હવે દર વર્ષે ઊજવાશે વડનગર ઉત્સવ

ગાંધીનગરના મહાત્મા મંદિર ખાતે યોજાયેલા વડનગર ઇન્ટરનૅશનલ કૉન્ફરન્સ – ૨૦૨૨નું ગઈ કાલે સમાપન થયું હતું. 

21 May, 2022 10:40 IST | Mumbai | Gujarati Mid-day Correspondent
ગુજરાત સમાચાર

 અંબાજી અને પાવાગઢ સહિત ગુજરાતનાં આઠ યાત્રાધામમાં હવે ભિક્ષુકો જોવા નહીં મળે

ગુજરાતનાં યાત્રાધામોને ભિક્ષુકમુક્ત કરવા હાથ ધરી કવાયત, ભિક્ષુકો કરી શકે એવું કામ આપી રોજગારી આપવાનું આયોજન પણ વિચારણા હેઠળ

21 May, 2022 10:34 IST | Mumbai | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK