હિન્દ મહાસાગરમાં ચીનની ગતિવિધિ પર ભારતની ચાંપતી નજર : ઍન્ટની

ચીને દક્ષિણ-પિશ્ચિમ હિન્દ મહાસાગરમાં શારકામ કરવાનું શરૂ કર્યું છે ત્યારે ભારતે એનાં વ્યાપારી હિતો તથા રાષ્ટ્રીય સુરક્ષાને ધ્યાનમાં લઈ ચીનની ગતિવિધિ પર દેખરેખ રાખવાનું શરૂ કર્યું છે એવું સંરક્ષણપ્રધાન એ. કે. ઍન્ટનીએ ગઈ કાલે જણાવ્યું હતું.

ઍન્ટનીએ ગઈ કાલે સંસદમાં પ્રશ્નકાળ દરમ્યાન જણાવ્યું હતું કે ‘દેશનાં વ્યાપારી હિતો તથા સુરક્ષા બાબતે સરકાર ચિંતિત છે અને એની સલામતી માટે પૂરતાં પગલાં લઈ રહી છે.’ ચીન પૉલિમેટાલિક સલ્ફાઇડ મેળવવા માટે આંતરાષ્ટ્રીય જળમાં શારકામ કરી રહ્યું છે. આંતરષ્ટ્રીય જળમાં એક્સ્પ્લોરેશન કરવા માટે યુનાઇટેડ નેશન્સ પાસેથી પરવાનગી મેળવવાની હોય છે.