ઉત્તર પ્રદેશને વિભાજિત કરવાનો ઠરાવ માત્ર ૧૭ મિનિટમાં મંજૂર

Published: Nov 22, 2011, 07:49 IST

લખનઉ: ઉત્તર પ્રદેશનાં મુખ્ય પ્રધાન માયાવતીએ ગઈ કાલે વિધાનસભાની ફક્ત ૧૭ મિનિટમાં રાજ્યને ચાર ટુકડામાં વિભાજિત કરવાનો પ્રસ્તાવ મંજૂર કર્યો હતો. આ ઠરાવ વિરોધ પક્ષના હંગામા વચ્ચે મૌખિક મતદાનથી મંજૂર થયો હતો.

 

બીજી બાજુ સમાજવાદી પાર્ટી, કૉન્ગ્રેસ અને બીજેપી (ભારતીય જનતા પાર્ટી)એ સાથે મળીને માયાવતી સરકારને હાંકી કાઢવાની ડિમાન્ડ કરી હતી. એને લીધે બપોરે ૧૨.૨૦ વાગ્યે ગૃહને મોકૂફ રાખવામાં આવ્યું હતું. વિરોધ પક્ષોના મેમ્બરોએ સૂત્રોચ્ચાર કર્યો હતો અને હાથમાં માયાવતી સરકારની ટીકા કરતાં બૅનરો રાખ્યાં હતાં. જોકે માયાવતીએ એક પ્રેસ-કૉન્ફરન્સ કરીને કહ્યું હતું કે ‘આ ઠરાવ રાજકીય સ્ટન્ટ નથી. હવે આ પ્રસ્તાવ કેન્દ્ર સરકારને મોકલવામાં આવશે. વિરોધ પક્ષો એવી અફવા ફેલાવી રહ્યા છે કે મારી સરકાર લઘુમતીમાં છે, પરંતુ આ વાત ખોટી છે.’


સત્રના એજન્ડામાં રાજ્યને વિભાજિત કરવાના ઠરાવનો કોઈ ઉલ્લેખ નહોતો. બીજેપીએ કહ્યું હતું કે માયાવતી સરકાર રાજ્યના ચાર ટુકડાનો ઠરાવ મંજૂર કરીને સાડાચાર વર્ષના તેમના શાસન દરમ્યાન તેમણે કરેલી ગેરરીતિ અને ભૂલોને છાવરવાનો પ્રયાસ કરી રહી છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK