એવું તે શું છે કે આ કસીનોને તૂટતું જોવા લોકોએ ૪૦,૦૦૦ રૂપિયા ખર્ચ્યા?

Published: 20th February, 2021 08:19 IST | Gujarati Mid-day Correspondent | Atlantic

એ ઇમારતમાં અગાઉ અમેરિકાના ભૂતપૂર્વ પ્રમુખ ડોનલ્ડ ટ્રમ્પની માલિકીનો કસીનો હતો

અમેરિકાના ઍટલાન્ટિક સિટીમાં ૩૪ માળની એક ઇમારત તોડી પાડવાની કાર્યવાહી નિહાળવાની ઉત્સુકતા ઘણાના મનમાં હતી. કેટલાક લોકોએ એ મકાન તૂટતું જોવા માટે ૪૧,૦૦૦ રૂપિયા સુધીની રકમ ચૂકવી હતી. વાત એમ છે કે એ ઇમારતમાં અગાઉ અમેરિકાના ભૂતપૂર્વ પ્રમુખ ડોનલ્ડ ટ્રમ્પની માલિકીનો કસીનો હતો. એ મકાનમાં ૭ વર્ષ પહેલાં કસીનો અને ટ્રમ્પ પ્લાઝા હોટેલ હતી. એ હોટેલ અને કસીનો ૨૦૧૪માં બંધ પડ્યાં હતાં. ત્યાર પછી એ મકાન સતત નબળું પડતું ગયું હતું.

ઍટલાન્ટિક સિટીમાં ડોનલ્ડ ટ્રમ્પની પ્રૉપર્ટી અને બિઝનેસના સામ્રાજ્યમાં એ હોટેલ મોખરે હતી. એ ઉપરાંત એ હલ્ક હૉગન, મિક જેગર અને કીથ રિચર્ડ્સ જેવા હૉલીવુડના ટોચની સેલિબ્રિટીઝનો ફેવરિટ હૉટસ્પૉટ પણ હતી. ૭૪ વર્ષ સુધી માત્ર અમેરિકામાં નહીં, સમગ્ર વિશ્વમાં ખ્યાતિ ધરાવતા એ હોટેલ-કસીનોના મકાનને બુધવારે સવારે ૯.૦૮ વાગ્યે તોડી પાડવામાં આવ્યું હતું. એ ડિમોલિશનને ઇન્ટરનેટ અને વિવિધ સોશ્યલ મીડિયા પ્લૅટફૉર્મ્સ પર ખૂબ પ્રમોટ કરવામાં આવ્યું હતું. ઇવેન્ટના જીવંત પ્રસારણની લિન્ક કેટલીક વેબસાઇટ્સ વેચતી હતી. ટ્રમ્પના અનેક વિરોધીઓએ ફ્રન્ટ રોમાં બેસીને આ ઇમારતને ધ્વસ્ત થતી જોવા માટે પૈસા ચૂકવ્યા હતા. એક દર્શકે ૫૭૫ ડૉલર (લગભગ ૪૧,૦૦૦ રૂપિયા) ચૂકવ્યા હતા.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK