આ ઍરોબૅટિક ટ્વિન્સના ૧.૫ કરોડ ફૉલોઅર્સ છે
ટીગન અને સમન્થા રિબ્કા
ટીગન અને સમન્થા રિબ્કા એ બે આઇડેન્ટિકલ ટ્વિન્સ છે. સ્વાભાવિકપણે એક સરખા લુકની સાથે બન્નેની પ્રતિભાઓ પણ સરખી જ છે. ઑસ્ટ્રેલિયાના પર્થમાં રહેતી ૨૩ વર્ષના આ ફુટકડી યુવતીઓ ઍરોબેટિક્સમાં બહુ પાવરધી છે. તેમનું અંગ જે રીતે ફ્લૅક્સિબલ છે એ અચરજ પમાડે એવું છે. બન્નેએ પોતાના ઍરોબિક્સની કમાલથી સૌથી પહેલાં ૨૦૧૫માં લોકલ ટીવી શોમાં ધમાલ મચાવી હતી. ઑસ્ટ્રેલિયાઝ ગૉટ ટેલન્ટમાં તેમણે ભાગ લીધેલો. અને એ પછી તો તેમણે સોશ્યલ મીડિયામાં બરાબરનો છાકો પાડી દીધો. ટીવી પ્રોગ્રામમાં કરેલા પર્ફોર્મન્સની વિડિયો ક્લિપને ૧.૯ કરોડ વ્યુઝ મળ્યા હતા. એ પછી તો બન્ને બહેનોએ તેમની કરતબનાં અચરજ પમાડે એવા પોઝ સોશ્યલ મીડિયા પર પોસ્ટ કરવાનું શરૂ કરી દીધું. હાલમાં તેમના ફૉલોઅર્સની સંખ્યા ૧.૫ કરોડને આંબી ગઈ છે.