દુશ્મનના રડારનું આવી બનશે સુખોઈમાંથી રુદ્રમ મિસાઇલનું પરીક્ષણ

Published: 10th October, 2020 12:19 IST | Agencies | Mumbai

લૉન્ચ પ્લૅટફૉર્મ તરીકે એ મિસાઇલને SU-30 MkI ફાઇટર ઍરક્રાફ્ટ સાથે ઇન્ટિગ્રેટ કરવામાં આવી છે. એની લૉન્ચ કન્ડિશન પ્રમાણે રેન્જ બદલાય છે.

દુશ્મનના રડારનું આવી બનશે સુખોઈમાંથી રુદ્રમ મિસાઇલનું પરીક્ષણ
દુશ્મનના રડારનું આવી બનશે સુખોઈમાંથી રુદ્રમ મિસાઇલનું પરીક્ષણ

ડિફેન્સ રિસર્ચ ઍન્ડ ડેવલપમેન્ટ ઑર્ગેનાઇઝેશન (ડીઆરડીઓ)એ વિકસાવેલી રુદ્રમ ઍન્ટિ-રેડિયેશનનું સુખોઈ-30 ઍરક્રાફ્ટ દ્વારા પ્રક્ષેપણનો પ્રયોગ સફળ રહ્યો હતો. દેશના પૂર્વ કાંઠાના બાલાસોરથી આ પ્રયોગમાં સફળતા બદલ સંરક્ષણપ્રધાન રાજનાથ સિંહે સોશ્યલ નેટવર્કિંગ સાઇટ ટ્વિટર પર ડીઆરડીઓ સહિત અન્ય તમામ સંબંધિતોને અભિનંદન આપ્યાં હતાં.
સત્તાવાર નિવેદનમાં આપવામાં આવેલી માહિતી અનુસાર રુદ્રમ ડીઆરડીઓ એ ભારતીય હવાઈ દળ માટે ઘરઆંગણે વિકસાવેલી પ્રથમ ઍન્ટિ-રેડિયેશન મિસાઇલ છે. લૉન્ચ પ્લૅટફૉર્મ તરીકે એ મિસાઇલને SU-30 MkI ફાઇટર ઍરક્રાફ્ટ સાથે ઇન્ટિગ્રેટ કરવામાં આવી છે. એની લૉન્ચ કન્ડિશન પ્રમાણે રેન્જ બદલાય છે. એમાં ફાઇનલ અટૅક માટે આઇએનએસ-જીપીએસ નેવિગેશન સિસ્ટમ અને પેસિવ હોમિંગ હેડ છે. એ પ્રોગ્રામિંગ અનુસાર અનેકવિધ ફ્રીક્વન્સીઝ પર ટાર્ગેટ્સને વિંધી શકે છે. આ સાથે ભારતે દુશ્મનના રાડાર્સ, કમ્યુનિકેશન સાઇટ્સ અને અન્ય આર.એફ. એમિટિંગ ટાર્ગેટ્સને નિષ્ક્રિય બનાવવાની લૉન્ગ રેન્જ ઍર લૉન્ચ્ડ ઍન્ટિ-રેડિયેશન મિસાઇલ્સના ઘરઆંગણે ઉત્પાદનની ક્ષમતા હાંસલ કરી લીધી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK