ચર્ચના ફાધરને બાંધી દઈને ચોરોએ અઢી લાખ રૂપિયાની માલમતા લૂંટી

Published: 5th December, 2012 05:52 IST

ભાઈંદરમાં એક ચર્ચના ફાધરને બાંધી દઈને વૉચમૅન અને તેના બે સાથીદારોએ મળીને અઢી લાખ રૂપિયાની લૂંટ ચલાવી હતી.



ધરમના સ્થળે ધાડ : ભાઇંદર (ઈસ્ટ)માં આવેલું સેક્રેડ હાર્ટ કૅથલિક ચર્ચના ફાધર ડેનિસ મારુકી (ઇન્સેટ)ને બાંધીને લૂંટ ચલાવાઈ હતી.



ભાઈંદર (ઈસ્ટ)માં રેલવે-સ્ટેશન પાસેની ફાટક નજીકના સેક્રેડ હાર્ટ કૅથલિક ચર્ચમાં સોમવારે મોડી રાતે આ ઘટના બની હતી. ચર્ચના ફાધર ડેનિસ મારુકી કોઈક કામસર કાશીમીરા ગયા હતા. એનો ફાયદો લઈને આઠ દિવસ પહેલાં જ વૉચમૅન તરીક નોકરીએ રાખેલો દીપક ભંડારી તેના બે સાથીદારો સાથે ચોરીના ઇરાદે ચર્ચમાં ઘૂસી ગયો હતો. એ દરમ્યાન ફાધર ચર્ચમાં આવી પહોંચ્યા હતા. દીપક અને તેના સાથીદારોએ પછી ફાધરને ચર્ચમાં બીજા માળા પર આવેલી તેમની રૂમમાં જઈને તેમને બાંધી દીધા હતા અને ચર્ચના કાર્યાલયમાંથી ૧ લાખ ૮૦ હજાર રૂપિયાની રોકડ રકમ તથા ૫૦,૦૦૦ રૂપિયાના દાગીના તેમ જ ફાધરનો મોબાઇલ અને મોટરસાઇકલ લઈને નાસી ગયા હતા. નવઘર પોલીસ ગુનો નોંધીને આરોપીઓની તપાસ કરી રહી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK