કોરોનાના દર્દીના સંબંધીઓએ ડૉક્ટરો પર હુમલો કર્યો, એકની ધરપકડ

Published: Sep 12, 2020, 14:41 IST | Agency | Thane

મહારાષ્ટ્રના થાણે જિલ્લાના મુરબાડ શહેરની એક પ્રાઇવેટ હૉસ્પિટલમાં કોવિડ-19ના દર્દીની સારવારના મામલે કેટલાક ડૉક્ટરોની મારપીટ કરવા બદલ પોલીસે એક શખસની ધરપકડ કરી છે અને અન્ય ૯ વ્યક્તિની શોધખોળ આદરી છે.

પ્રતીકાત્મક તસવીર
પ્રતીકાત્મક તસવીર

મહારાષ્ટ્રના થાણે જિલ્લાના મુરબાડ શહેરની એક પ્રાઇવેટ હૉસ્પિટલમાં કોવિડ-19ના દર્દીની સારવારના મામલે કેટલાક ડૉક્ટરોની મારપીટ કરવા બદલ પોલીસે એક શખસની ધરપકડ કરી છે અને અન્ય ૯ વ્યક્તિની શોધખોળ આદરી છે.

મુરબાડની કોવિડ-19 હૉસ્પિટલમાં દરદીને સલાઇન આપવા વિશે સારવાર લઈ રહેલા કોરોના પૉઝિટિવ દર્દી અને ડૉક્ટરો વચ્ચે ગેરસમજ થઈ હતી. દર્દીએ તેના સંબંધીઓ તથા અન્યોને આ વિશે જાણ કરી અને ટૂંક સમયમાં જ આશરે ૧૦ વ્યક્તિ હૉસ્પિટલમાં આવી પહોંચી હતી, એમ મુરબાડ પોલીસ-સ્ટેશનના ઇન્સ્પેક્ટર દત્તાત્રેય બોરાટેએ જણાવ્યું હતું.

રાતે ૧૧.૩૦ વાગ્યે આવેલા આ શખસોએ હૉસ્પિટલના સ્ટાફ સાથે ગેરવર્તણૂક કરીને કેટલાક ડૉક્ટરોને માર માર્યો હતો. ડૉક્ટરોએ નોંધાવેલી ફરિયાદના આધારે શુક્રવારે કેસ દાખલ કરવામાં આવ્યો હતો અને એક જણની ધરપકડ કરવામાં આવી હતી. પોલીસે આ બનાવમાં સંડોવાયેલા અન્ય ૯ શખસોની શોધ આદરી છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK