નકલી બાળક પીઠે બાંધીને કૉસ્મેટિક્સની દાણચારી
કૉસ્મેટિક્સની દાણચારી
યુગાન્ડાના કસ્ટમ્સ અધિકારીઓએ પીઠ પર બાળક બાંધીને જતી એક મહિલાને દાણચોરીના પ્રયાસમાં અટકમાં લીધી હતી. વાત એમ હતી કે તેણે પીઠ પર જે બાળક જેવો શેપ બાંધ્યો હતો એ હકીકતમાં બાળક નહીં, પણ નકલી ઝોળી જેવું હતું. મહિલા એમાં પ્રતિબંધિત કૉસ્મેટિક્સની હેરાફેરી કરવા જઈ રહી હતી. યુગાન્ડાના કસ્ટમ્સ અધિકારીઓે પ્રતિબંધિત કૉસ્મેટિક્સ જપ્ત કર્યાં હતાં. યુગાન્ડાના મહેસૂલ ખાતાના અધિકારીઓએ બુધવારે સોશ્યલ નેટવર્કિંગ સાઇટ ટ્વિટર પર પ્રસારિત કરેલી તસવીર સાથે જણાવ્યું હતું કે ‘યુગાન્ડામાં હાડડ્રો ક્વિનોન અને મર્ક્યુરી ધરાવતા સૌંદર્ય પ્રસાધનો પર પ્રતિબંધ છે. કૉન્ગોથી બસમાં આવેલી મહિલાની પીઠ પર બાળક જેવું દેખાય એ રીતે બે પાયજામામાં પ્રતિબંધિત સૌંદર્ય પ્રસાધનો ભરેલાં હતાં.’
