નૉન-સબસિડાઇઝ્ડ LPG સિલિન્ડરના ભાવમાં ૧૧૩ રૂપિયાનો ઘટાડો
રસોઈ ગૅસના ૧૨ સિલિન્ડરનો ક્વોટા પૂરો થયા બાદ ગ્રાહકોને બજારકિંમતે વેચાતા આ સિલિન્ડરની કિંમતોમાં ઑગસ્ટ પછી આ સતત પાંચમી વાર ઘટાડો થયો છે અને નૉન-સબસિડાઇઝ્ડ રસોઈ ગૅસમાં છેલ્લા પાંચ મહિનાનો કુલ ઘટાડો સિલિન્ડરદીઠ ૧૭૦.૫૦ રૂપિયાનો થયો છે.
એ રીતે જેટ ફ્યુઅલની કિંમતોમાં ઑગસ્ટથી અત્યાર સુધીમાં ૧૪.૫ ટકાનો ઘટાડો નોંધાયો છે. આંકડામાં જોઈએ તો પાંચ મહિનામાં કિલોલિટરદીઠ ૧૦,૨૧૮.૭૬ રૂપિયાનો ધરખમ ઘટાડો થયો છે અને છેલ્લાં ત્રણ વર્ષમાં આ કિંમત પહેલી વાર દિલ્હીમાં ૬૦,૦૦૦ રૂપિયાથી નીચે ઊતરીને ૫૯,૯૪૩ રૂપિયા થઈ છે. મુંબઈમાં જેટ ફ્યુઅલનો ભાવ ટૅક્સ સાથે ૬૪,૪૧૪.૯૮ રૂપિયા કિલોલિટરદીઠ હતો એ ગઈ કાલથી ૬૧,૬૯૫ રૂપિયા થયો છે.
