આતંકવાદીઓના હિટલિસ્ટમાં રહેલા હાઉસિંગ કૉમ્પ્લેક્સમાં ૩ મહિનામાં ૫ ચોરી

Published: 30th November, 2012 05:49 IST

૨૦૦૯માં પવઈમાં રિટાયર્ડ ઍરર્ફોસ તથા નેવી ઑફિસરો માટે બનાવવામાં આવેલું રેસિડેન્શિયલ કૉમ્પ્લેક્સ લશ્કર-એ-તય્યબા (એલઈટી)ના હિટલિસ્ટમાં હતું, પરંતુ હવે ઘરફોડ ચોરી કરનારાઓ માટે એ આસાન શિકાર બની ગયું છે.


પોલીસ-રક્ષણ હોવા છતાં છેલ્લા ત્રણ મહિનામાં પાંચ જેટલા ફ્લૅટોમાં ઘરફોડ ચોરીની ઘટના બની છે. સોમવારે જલવાયુ વિહાર કૉમ્પ્લેક્સની ‘એમ’ વિંગના પાંચમા માળે આવેલા ૫૬ નંબરના ફ્લૅટ તથા ‘એન’ વિંગના સાતમા માળે આવેલા ૭૬ નંબરના ફ્લૅટમાં ચોરી થઈ હતી. લોકલ પોલીસ-સ્ટેશનમાં આ વિશે ફરિયાદ કરવામાં આવી હોવા છતાં આ કેસમાં કોઈ પ્રગતિ નોંધાઈ નથી.

આતંકવાદી હુમલાની ધમકીઓને કારણે સમગ્ર કૉમ્પ્લેક્સમાં સીસીટીવી કૅમેરા હોવા છતાં ચોરી થઈ હતી અને ચોરોના કોઈ પુરાવા પણ નથી મળ્યાં. બે મહિના પહેલાં ત્રણ ફ્લૅટમાં ઘરફોડ ચોરી થઈ હોવાની વાત રહેવાસીઓએ કરી હતી. પોલીસતપાસમાં બિલ્ડિંગની અંદર રહેલા સિક્યૉરિટી ગાર્ડે લાપરવાહી રાખી હોવાની વાત જણાવવામાં આવી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK