મુંબઈ: આવતી કાલે મોબાઇલ દુકાનદારોનું ભારત બંધ

Published: Jan 07, 2020, 07:49 IST | Mumbai

મોબાઇલના વ્યવસાયમાં ચાલતી અયોગ્ય ઑનલાઇન નીતિ, મોબાઇલ બ્રૅન્ડ્‌સની નીતિ સામે દુકાનદારો વિરોધ-પ્રદર્શન કરશે : દિલ્હીના રામલીલા મેદાનમાં દેશભરના ૨૫૦૦૦ દુકાનદારો ભેગા થશે

થાણેમાં મોબાઈલના દુકાનદારોએ ગઈ કાલે વિરોધ પ્રદર્શન કર્યુ હતું.
થાણેમાં મોબાઈલના દુકાનદારોએ ગઈ કાલે વિરોધ પ્રદર્શન કર્યુ હતું.

ભારતમાં અત્યારે મોબાઇલના અંદાજે ૧ લાખ દુકાનદારો છે જેઓ આ વ્યવસાયમાં ચાલી રહેલી કેટલીક ગેરરીતિનો વિરોધ દર્શાવવા માટે આવતી કાલે દેશભરમાં તેમની દુકાનો બંધ રાખશે. આ જ દિવસે દિલ્હીના રામલીલા મેદાનમાં દેશભરમાંથી પહોંચેલા ૨૫૦૦૦ જેટલા દુકાનદારો આ વ્યવસાયમાં તેમને થઈ રહેલી મુશ્કેલી બાબતે પોતાનો અવાજ સરકાર સુધી પહોંચાડશે.

આ આંદોલનના એક ભાગરૂપે ગઈ કાલે થાણેના ૧૨૦ દુકાનદારોએ ભેગા થઈને શાંતિ-પ્રદર્શન કર્યું હતું. આમાંના કેટલાક દુકાનદારો દિલ્હીમાં કરવામાં આવનારા આંદોલનમાં સામેલ થશે.

આ પણ વાંચો : ક્વીન ઑફ ડેક્કન ટ્રેન માટે રાજવી ઠાઠની ડાઇનિંગ કાર

ઑલ ઇન્ડિયા મોબાઇલ રિટેલર્સ અસોસિએશનની કૉર કમિટીના સભ્ય અને થાણેમાં મોબાઇલની દુકાન ધરાવતા રાજુ છેડાએ ‘મિડ-ડે’ને કહ્યું હતું કે ‘મોબાઇલના વ્યવસાયમાં ચાલતી કેટલીક ગેરરીતિ અને દુકાનદારોને થતી મુશ્કેલી બાબતે સરકાર સુધી અવાજ પહોંચાડવા આવતી કાલે દેશભરની અંદાજે ૧ લાખ મોબાઇલની દુકાનો બંધ રહેશે.’

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK