આંધળોપાટો રમતાં-રમતાં રોલર સ્કેટિંગનો રેકૉર્ડ બનાવ્યો કર્ણાટકની કન્યાએ
ઓજલ સુનીલ નલાવડી
કર્ણાટકના હુબલીમાં રહેતી ઓજલ સુનીલ નલાવડી નામની કન્યાએ આંખ પર પાટા બાંધીને રોલર સ્કેટ્સ પર ૪૦૦ મીટરનું અંતર ૫૧.૨૫ સેકન્ડમાં પાર કરીને ગિનેસ વર્લ્ડ રેકોર્ડ્સમાં વિક્રમ નોંધાવ્યો છે. ઓજલના સ્કેટિંગનો એ વિડિયો સોશ્યલ નેટવર્કિંગ સાઇટ્સ પર ઘણો લોકપ્રિય થયો છે. ગિનેસ વર્લ્ડ રેકૉર્ડ્સના સોશ્યલ નેટવર્કિંગ સાઇટ ઇન્સ્ટાગ્રામ પેજ પર ઓજલનો વિડિયો પોસ્ટ કરવામાં આવ્યો છે. આંખે પાટા બાંધીને ચોક્કસ દિશામાં બહુ ઝડપથી સ્કેટિંગ કરીને ૪૦૦ મીટરનું અંતર પાર કરવા ઉપરાંત ઓજલ બીજાં ઘણાં કારનામાં કરી ચૂકી છે.
